Katërmbëdhjetë satelitë rusë të zbulimit thuhet se kaluan mbi një bazë ushtarake amerikane në Arabinë Saudit...
BOTA
VIDEO/ Fshati në Kosovë nën rrethim nga arinjtë, banorët janë të izoluar
PiranjatPërditësimi i fundit 12 Nëntor 2025, 23:41
Arinjtë e murrmë që enden rrugëve gjatë ditës në fshatin Belobrand, në malet e Kosovës , i kanë detyruar banorët të mbyllin dy herë dyert e tyre dhe shkollën lokale të thërrasë policinë për ndihmë.
Fshati me 700 banorë, në kufi me Shqipërinë, është i rrethuar nga pyje dhe nuk është e pazakontë të shohësh një ari duke kërkuar ushqim, veçanërisht në ditët e ftohta të dimrit. Por këtë vit, kafshët nuk pritën të vinte i ftohti. “I pashë gjatë ditës, duke bredhur nëpër fshat si kafshë shtëpiake”, tha për AFP-në Gëzimi, një banor që nuk donte të jepte mbiemrin e tij.
Shumë video të bëra nga banorët po qarkullojnë në internet. Në to, arinjtë shihen duke ecur në çifte, duke eksploruar kopshte dhe duke përmbysur mobilje në kërkim të ushqimit. Dy prej tyre u kapën në flagrancë: duke hapur thasë të mëdhenj të bardhë që përmbanin sheqer ose miell në një depo.
Shkolla fillore e fshatit, i kërkoi policisë "të marrë masa të menjëhershme për të shfarosur ose larguar arinjtë që u shfaqën brenda kufijve të komunës".
Arinjtë e murrmë janë specie e mbrojtur në Kosovë, por shkolla pretendon se prania e kafshëve të egra "përbën një rrezik serioz për nxënësit, stafin mësimdhënës dhe të gjithë banorët e fshatit". Është shumë e rrezikshme të jesh jashtë në mëngjes dhe në mbrëmje, ndërsa nxënësit shkojnë ose largohen nga shkolla, thanë mësuesit në letrën e tyre të hapur.
Bexhet Xheladini, kryekomunari i Dragashit, ku përfshihet edhe Bellobrad, i ka kërkuar shoqatës lokale të gjuetisë ndihmë në mbrojtjen e banorëve. Gjuetarët kanë rënë dakord, në bashkëpunim me autoritetet komunale, të monitorojnë zonën dhe të raportojnë çdo pamje të arinjve në zonat e banuara.
