Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Gazprom po shet hotele dhe resorte pas humbjeve të mëdha vjetore për herë të parë në 25 vjet
n.fPërditësimi i fundit 15 Tetor 2024, 22:55
Foto ilustruese
RUSI- Gjigandi rus energjetik, Gazprom njoftoi të martën planet për të shitur një numër hotelesh dhe resortesh pasi shënoi një humbje të madhe vjetore për herë të parë në 25 vjet. Kompania e kontrolluar nga Kremlini, e cila ka rezervat më të mëdha në botë të gazit natyror, shënoi një humbje neto prej afro 7 miliardë dollarë për vitin 2023, pasi shitjet në tregjet fitimprurëse evropiane ranë për shkak të përçarjes së Rusisë me Perëndimin mbi Ukrainën.
Gazprom njoftoi sot se ka nxjerrë në shitje 14 hotele dhe resorte, duke përfshirë Hotelin Marriott Tsaghkadzor që ndodhet në Luginën e Luleve në Armeni. Në maj, ajo njoftoi shitjen e disa hoteleve, duke përfshirë Imperial Park Hotel & SPA në rajonin e Moskës, pas vendimit të saj për të zhvendosur selinë e saj nga Moska në kompleksin e biznesit Lakhta Center në Shën Petersburg në 2021.
Shitjet nuk kanë gjasa të kompensojnë ndjeshëm humbjet e Gazprom. Gazeta Vedomosti vlerësoi Hotelin Imperial në rreth 69.5 milionë dollarë, gati 1% e humbjes së tij në vitin 2023. Gazprom po përgatitet për humbjen e mundshme të pjesës më të madhe të tregut evropian të gazit, pasi pritet një marrëveshje me Ukrainën për të transituar gazin natyror rus në Bashkimin Evropian. Ukraina ka deklaruar vazhdimisht se nuk është e gatshme të negociojë një zgjatje të marrëveshjes me Moskën.
