Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
BOTA
Gjermania: Bombardimi i Iranit është i kotë, duhet qeveri legjitime
PiranjatPërditësimi i fundit 17 Mars 2026, 19:23
Kancelari gjerman Friedrich Merz ka paralajmëruar se sulmet ushtarake ndaj Iranit nuk do të çojnë në ndryshimin e regjimit, duke kritikuar njëkohësisht Shtetet e Bashkuara për mungesë të një strategjie të qartë daljeje nga konflikti.
Fillimisht, Merz kishte shprehur mbështetje për veprimet e Uashingtonit dhe Izrael pas nisjes së sulmeve ndaj Iranit në fund të muajit të kaluar, duke fajësuar udhëheqjen në Teheran për përshkallëzimin e situatës.
Megjithatë, në një konferencë për shtyp të mbajtur të hënën, ai ndryshoi tonin, duke theksuar se edhe pse regjimi iranian duhet të zëvendësohet me një qeveri demokratike, kjo nuk mund të arrihet përmes bombardimeve. “Bombardimi i tij deri në ekzistencë me shumë gjasa do të dështojë”, u shpreh Merz.
Kancelari gjerman hodhi poshtë gjithashtu çdo përfshirje të Gjermanis në konflikt, përfshirë edhe operacionet për sigurimin e Ngushtica e Hormuzit, e cila është një pikë kyçe për transportin global të naftës dhe aktualisht e bllokuar, duke ndikuar në rritjen e çmimeve.
“Na mungon një mandat nga OKB, nga Bashkimi Evropian ose nga NATO, siç kërkohet nga ligji. Ne nuk do ta bëjmë”, theksoi ai, duke shtuar se kjo luftë nuk është çështje e NATO-s.
Merz paralajmëroi gjithashtu për rrezikun që rajoni të zhytet në një “luftë të përhershme”, duke nënvizuar pasojat për partnerët në Lindjen e Mesme. Ai kritikoi SHBA-të për mungesën e një plani të qartë për përfundimin e konfliktit.
“Deri më sot, nuk kemi dijeni për një koncept se si ky operacion mund të ketë sukses. Kjo luftë duhet të përfundojë sa më shpejt të jetë e mundur, me një strategji të qartë”, përfundoi kancelari gjerman.
