Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
Gjendet një trupë i djegur/ Policia greke: Proçes i vështirë identifikimi shkak karbonizimi
PiranjatPërditësimi i fundit 8 Nëntor 2025, 09:52
Banorët e Vitoia në Athinë kanë mbetur të tronditur, pas gjetjes së një trupi të karbonizuar brenda një makine të djegur.
Makina u gjet në një vend të izoluar në një rrugë rurale larg syrit të banorëve.
Ishte një gjahtar që rastësisht kaloi aty dhe vuri re mjetin e djegur më pas njoftoi policinë.
Kur oficerët e policisë mbërritën në vendin e ngjarjes zbuluan se brenda mjetit ndodhej një person në gjendje të karbonizuar, gjithashtu u gjetën edhe pranga, një element tregues se i një akti kriminal.
Zëdhënësja e Shtypit e Policisë Helenike, Constantia Dimoglidou, tregoi se automjeti është transferuar në laboratorët mjeko-ligjorë, ku do të mblidhen të dhëna për të identifikuar ADN-në dhe gjurmët e gishtërinjve, ndërsa po punohet për të identifikuar trupin e viktimës, një proces që është veçanërisht i vështirë për shkak të shkallës së karbonizimit. Policia greke sqaron se makina dhe trupi i pajetë qëndruan në vendngjarje për rreth 48-orë përpara se të gjendeshin. Hetimet janë duke vijuar nga Departamenti i Vrasjeve dhe Drejtoria e Krimit të Organizuar, me autoritetet që po shqyrtojnë zhdukjet e raportuara në ditët e fundit për të arritur në identitetin e viktimës. Autoritetet greke nuk përjashtojnë asnjë skenar, megjithatë, provat fillestare tregojnë se ky ishte një veprim i planifikuar mirë, me autorët që zgjodhën një zonë rurale që do të vështirësonte gjetjen e trupit të viktimës.
