Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
BOTA
Hajduti lakuriq grabit ambulancën me të sëmurin “në prag të vdekjes”. Ndiqet për 46 min me shpejtësi mbi 140 km (VIDEO)
PiranjatPërditësimi i fundit 22 Shkurt 2026, 12:47
Një burrë lakuriq rrëmbeu një ambulancë me një pacient “në prag të vdekjes” brenda, duke i çuar policët në një ndjekje të frikshme me makina me shpejtësi të lartë. Pamjet dramatike të kamerave të filmuara tregojnë momentin kur Benjamin L Feltz, nga Wisconsin në SHBA, del nga automjeti krejtësisht lakuriq, para policëve me armët e nxjerra.
Policia dëgjohet duke bërtitur “dilni me duart lart”, ndërsa rrethon Feltzin me sirena që bien pa pushim. I dyshuari duket i dehur, duke i ngatërruar fjalët dhe duke u penguar midis turmës së policëve. Feltz, 37 vjeç, hidhet menjëherë në dysheme dhe arrestohet nga oficerët.
Sipas të dhënave të arrestimeve, Feltz u fut fshehurazi në ambulancë të martën, ndërsa dy ndihmës të shpejtë po ngarkonin një pacient në pjesën e pasme të makinës. Papritmas ata dëgjuan një derë që përplaset dhe teksa ngrenë kokën, panë në një burrë të zhveshur në sediljen e shoferit. Ata i bërtitën të dilte jashtë.
Një nga ndihmësit mjekësorë vrapoi drejt mjetit për të nxjerrë burrin jashtë. Por Feltz dyshohet se u largua me një ndihmës mjekësor dhe pacientin që ishte ende brenda ambulancës. Ndërsa Feltz filloi të ngiste makinën, ndihmësmjeku tjetër doli nga automjeti duke e lënë pacientin brenda, thuhet në procesverbalin e arrestimit. Pacienti i tmerruar thuhet se bërtiti: "Po vdes nga sëmundja e veshkave".
Kur një polic vuri re ambulancën e rrëmbyer dhe nuk arriti ta bënte Feltzin të ndalonte, shpërtheu një ndjekje me shpejtësi të lartë. Policia e ndoqi Feltzin me shpejtësi për më shumë se 40 minuta, duke arritur shpejtësi mbi 144 km në orë. Ndërkohë, pacientja e sëmurë mbeti në pjesën e prapme nga frika për jetën e saj. Ambulanca eci përmes rrugëve të pashtruara derisa arriti në autostradën 73 të Wisconsin-it.
Por kur një polic qëlloi me një pajisje për shfryrjen e gomës, Feltz ndërmori një “manovër agresive”, duke e çuar ambulancën jashtë rrugës dhe duke e futur në një fushë me misër me baltë. I bllokuar në hendek, Feltz nuk kishte ku të shkonte ndërsa policia e rrethoi atë.
Sipas dokumenteve të policisë, Feltz rrëfeu se kishte pirë gjysmë shisheje pastrues kimik dhe pretendoi se kishte “marijuanë”. Ai kishte dy dënime të mëparshme për drejtim mjeti nën ndikimin e alkoolit. Të dhënat e arrestimit tregojnë gjithashtu se Feltz nuk kishte patentë shoferi në kohën e incidentit. /PiranjatNews/
