Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
BOTA
''Zemra ishte e dëmtuar''/ Fëmija italian humb jetën pas transplantit, nis hetimi për mjekët
PiranjatPërditësimi i fundit 21 Shkurt 2026, 19:13
Një fëmijë në Itali ka ndërruar jetë pas një transplanti në zemër, sepse zemra e dhuruar që ai mori ishte dëmtuar.
Domenico, 2 vjeç, vdiq pak para orës 09:30 sipas orës lokale (08:30 GMT) të shtunën, tha avokati i familjes Francesco Petruzzi për gazetarët.
Ai po trajtohej në Spitalin Monaldi, i cili njoftoi se gjendja e tij klinike kishte pësuar një “përkeqësim të papritur dhe të pakthyeshëm”.
Sipas raportimeve, zemra që iu dha Domenicos gjatë transplantit në fund të dhjetorit ishte transportuar në kontakt të drejtpërdrejtë me akull, duke shkaktuar dëme të rënda në ind.
Prokurorët kanë hapur një hetim për ngjarjen dhe gjashtë mjekë janë vendosur nën hetim, pasi ky rast që ka shkaktuar zemërim të madh në Itali.
Petruzzi tha se organi kishte mbërritur “i dëmtuar nga akulli” pas një transporti prej mbi 800 km nga Bolzano në Napoli, në një kontenier jo të përshtatshëm pranë akullit dhe pa termometër për të paralajmëruar ekipin mjekësor mbi temperaturën e ulët.
Fëmija kishte qëndruar në mbështetje jetësore për gati dy muaj në Napoli.
Të mërkurën, një panel specialistësh pediatër konkludoi se gjendja e tij ishte “jo e përshtatshme” për një transplant tjetër.
Mjekët kishin paralajmëruar se përdorimi i gjatë i sistemit të mbështetjes jetësore mund të kishte dëmtuar mushkëritë, mëlçinë dhe veshkat e tij.
Petruzzi tha se familja dëshiron të shohë të gjitha regjistrimet mjekësore përkatëse: “Nëse koha për shpresë ka përfunduar, atëherë ka filluar koha për përgjegjësi.”
Nëna e tij, Patrizia Mercolino, kishte apeluar te Papa për ndihmë për djalin e saj.
Ministri i Shëndetësisë i Italisë, Orazio Schillaci, tha këtë javë: “Ne duhet absolutisht të sqarojmë se çfarë ndodhi. E detyrohemi fëmijës, familjes, por edhe të gjithë italianëve. Ne kemi një shërbim shëndetësor kombëtar të shkëlqyer, i cili ka qenë në gjendje të menaxhojë dhe pothuajse gjithmonë të zgjidhë situata komplekse. Prandaj, qytetarët nuk duhet të humbasin besimin''./Përktheu Piranjat News
