Një stuhi me reshje të dendura ka përfshirë qytetin e Elbasanit dhe zona të ndryshme të qarkut, duke shkaktuar grumbullime t&eum...
BOTA
Hantavirusi i rikthen frikën pas 24 vitesh/ 52-vjeçari që i mbijetoi virusit humbi nënën dhe motrën
PiranjatPërditësimi i fundit 11 Maj 2026, 10:23
Fotoreporteri nga Arizona, Gilbert Zermeño, i cili i mbijetoi hantavirusit 24 vite më parë pasi humbi nënën dhe motrën nga kjo sëmundje, thotë se lajmet për shpërthimin e fundit të virusit kanë rikthyer kujtime të dhimbshme.
“Ndjeva të njëjtën gjë që ndien çdo person që ka kaluar hantavirusin dhe vazhdon të përballet me pasojat e tij,” tha Zermeño për CBS News. “Të rikthen pas në kohë dhe dhimbja është po aq e fortë sa atëherë. Është e vështirë, nuk do të gënjej.”
Në vitin 2002, Zermeño u infektua me hantavirus pasi pastroi shtëpinë familjare në Texas, pas vdekjes së nënës dhe motrës së tij. Ai kishte rënë në kontakt me jashtëqitje brejtësish dhe përfundoi i shtruar për disa ditë në një spital në Phoenix.
Autoritetet shëndetësore në mbarë botën po monitorojnë një shpërthim të ri të hantavirusit të lidhur me një anije turistike me flamur holandez, ku janë konfirmuar ose dyshohen nëntë raste, përfshirë tre viktima.
Zermeño beson se dezinformatat në internet kanë shkaktuar panik tek publiku për shkak të fjalës “virus”.
“Dua t’u them njerëzve të informohen mirë, sepse nuk është aq i frikshëm sa ishte COVID-19,” u shpreh ai.
Përfaqësuesja e Organizatës Botërore të Shëndetësisë në Cape Verde, Ann Lindstrand, deklaroi se nuk ekziston rrezik për pandemi globale, pasi transmetimi nga njeriu tek njeriu është shumë i rrallë.
Edhe Qendra Amerikane për Kontrollin dhe Parandalimin e Sëmundjeve deklaroi se hantavirusi nuk përhapet nga persona pa simptoma dhe se rreziku për publikun mbetet shumë i ulët.
Sipas Zermeño-s, nëna dhe motra e tij fillimisht u diagnostikuan gabimisht me sepsë, ndërsa më vonë mjekët zbuluan se shkaku i vërtetë ishte hantavirusi. Ai shtoi se rrallësia e sëmundjes e bëri edhe më të vështirë diagnostikimin dhe trajtimin e tij.
“Dëgjoni profesionistët e shëndetit dhe kini një plan nëse mendoni se jeni ekspozuar ndaj hantavirusit,” tha ai. “Mundësia që të infektoheni nga një person tjetër është jashtëzakonisht e vogël.”/Përktheu Piranjat News
