Sekretari i Përgjithshëm i Partisë së Lirisë ka folur nga bulevardi “Dëshmorët e Kombit” ku opozita i ësht...
BOTA
Hezbollahu kundërshton armëpushimin e dakordësuar me Izraelit dhe Libanit: Është një marrëveshje dorëzimi, jo paqeje
PiranjatPërditësimi i fundit 5 Qershor 2026, 07:52
Grupi i armatosur libanez Hezbollah ka hedhur poshtë me forcë kushtet e një armëpushimi të mbështetur nga SHBA-të midis Izraelit dhe Libanit.
Në një deklaratë të fortë, udhëheqësi i grupit të mbështetur nga Irani, Naim Qassem, tha se negociatat kishin qenë “të kota” dhe “poshtëruese” për Libanin dhe ishin refuzuar kategorikisht nga “segmente të gjera të popullit libanez”.
Ky koment vjen pasi Izraeli dhe Libani njoftuan një rinovim të armëpushimit të tyre të brishtë me krijimin e zonave “pilot” të sigurisë brenda Libanit në të cilat operativët e Hezbollahut do të ndaloheshin dhe se ky i fundit do të ndalonte sulmet ndaj Izraelit.
Presidenti i SHBA, Donald Trump më vonë tha se kishte folur me Hezbollahun dhe kryeministrin izraelit Benjamin Netanyahu dhe se po bëhej përparim.
“Do të ishte shumë mirë nëse Libani do të kishte pak paqe. Libani ka qenë nën sulm për kaq shumë vite dhe gjithmonë ka qenë si një i dobët, dhe do të ishte shumë mirë nëse kjo do të merrte fund”, tha presidenti amerikan.
Përpara komenteve të Trump, udhëheqësi i Hezbollahut, i cili nuk ishte pjesë e bisedimeve – tha se armëpushimi përbënte dorëzim dhe do të përmbushte objektivat e Izraelit.
“Ky është dorëzim. Kjo nuk është një marrëveshje paqeje. Kjo është një marrëveshje dorëzimi”, u shpreh ai.
