Armando Broja është i hapur për transferimin te Kaljari. Gazetari Xhanluka Di Marcio tregon se tashmë do të negociohet me Bërnli...
BOTA
Historia e trishtë e studentes 23-vjeçare të vrarë gjatë protestave në Iran, nëna u detyrua të kërkonte trupin e saj mes të vdekurve
PiranjatPërditësimi i fundit 12 Janar 2026, 08:14
Një studente e dizanjit të modës, është qëlluar për vdekje gjatë protestave në Teheran. Rubina Aminian, 23 vjeçe, u identifikua nga familja e saj në një morg në kryeqytet, rreth 500 km larg shtëpisë së tyre në Kermanshah, në perëndim të Iranit.
Sipas organizatës Iran Human Rights (IHR), me seli në Oslo, Aminian u qëllua në pjesën e pasme të kokës nga policia e trazirave nën komandën e regjimit. RTeksa theksojmë se numri i viktimave nga protestat në Iran po rritet dita ditës.
“Nuk ishte vetëm vajza ime,” i tha nëna e Aminian IHR-së. “Pashë me sytë e mi qindra trupa.” Ajo u detyrua të kërkonte trupin e vajzës së saj mes të vdekurve të tjerë.
Sipas IHR, familjarët e të resë janë ndaluar ta varrosin atë në qytetin e lindjes, dhe janë detyruar ta varrosin gjatë rrugës për në qytetin e afërt Kamyaran.
Aminian, e cila studionte dizajn tekstili dhe mode në Universitetin Shariati në Teheran, është një nga rreth 200 personat e vrarë gjatë shtypjes së dhunshme të protestave kundër regjimit në mbarë vendin, sipas agjencisë amerikane Human Rights Activists Neës Agency, e cila mbështetet te aktivistë brenda Iranit për verifikimin e informacionit. Më shumë se 2,500 persona janë arrestuar që nga fillimi i protestave më 28 dhjetor.
