Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
"Hungaria do të kundërshtojë masat e BE-së ndaj SHBA-së", Szijjarto: E vetmja rrugë përpara janë negociatat, jo hakmarrja!
n.fPërditësimi i fundit 9 Prill 2025, 14:53
HUNGARI- Ministri i Jashtëm hungarez Peter Szijjarto tha se Hungaria do të kundërshtojë propozimin e Komisionit Evropian për të vendosur tarifa hakmarrëse ndaj SHBA-së, duke paralajmëruar se "përshkallëzimi nuk është zgjidhja". Sipas tij masa të tilla do të shkaktonin dëme të mëtejshme për ekonominë evropiane dhe qytetarët duke rritur çmimet.
"E vetmja rrugë përpara janë negociatat, jo hakmarrja," argumentoi Szijjártó.
Ndryshe nga disa politika të tjera, kundërshtimi i Hungarisë nuk do të ketë asnjë ndikim në propozim pasi nuk ka nevojë për unanimitet midis shteteve anëtare kur bëhet fjalë për vendimet tregtare. Paketa pritet të kalojë edhe sot pasdite.
Presidenti amerikan Donald Trump ka shpallur një paketë të re tarifash tregtare në atë që e cilësoi “Dita e Çlirimit”, një përpjekje e re për të rivendosur balancën tregtare të Shteteve të Bashkuara me pjesën tjetër të botës. Gjatë një konference të drejtpërdrejtë nga Uashingtoni, Trump njoftoi vendosjen e një tarife bazë prej 10% mbi të gjitha mallrat e importuara, përfshirë ato që vijnë nga vende si Shqipëria, të cilat nuk janë pjesë e ndonjë marrëveshjeje të veçantë tregtare me SHBA-në.
Tarifat e reja, sipas Trump, synojnë reciprocitetin tregtar, duke ndëshkuar ato vende që sipas tij kanë përfituar nga tregu amerikan për dekada pa ofruar kushte të barabarta për produktet amerikane. Përveç tarifës bazë, disa vende përballen me tarifa të veçanta, të bazuara në nivelin e tarifave që ato vendosin mbi mallrat amerikane. Disa prej tyre përfshijnë: Kina dhe Tajvani - 32%, Bashkimi Evropian - 20%, Japoni - 24%, India - 26%, Vietnam-46%, Koreja e Jugut - 25%, Mbretëria e Bashkuar - 10%, Kamboxhia, Laosi, Madagaskari - mbi 45%.
Një tarifë e veçantë prej 25% është vendosur mbi të gjitha importet e automjeteve dhe pjesëve të tyre, duke goditur veçanërisht prodhuesit evropianë dhe aziatikë të makinave. Për Shqipërinë, tarifa e përgjithshme prej 10% do të aplikohet mbi të gjitha eksportet drejt SHBA-së, përfshirë produkte si tekstilet, veshjet dhe produktet bujqësore që eksportohen në sasi të kufizuara.
