Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
BOTA
I pesti aktiv në zonë! Shpërthen vullkani ‘Rincon de la Vieja’ në Costa Rica, autoritetet thirrje njerëzve: Qëndroni larg
PiranjatPërditësimi i fundit 22 Prill 2023, 10:32
KOSTARIKA- Vullkani Rincon de la Vieja shpërtheu dje duke mos shkaktuar dëme në infrastrukturë apo viktima.
Shpërthimi i vullkanit, i cili ndodhet në provincën e Guanacaste, në skajin veriperëndimor të vendit ishte mjaft i fuqishëm. Shtylla vullkanike arriti një lartësi prej 2.5 kilometrash nga maja e Rincon de la Vieja, tha gjeologu Blas Sanchez në një video-mesazh të lëshuar nga komiteti kombëtar i menaxhimit të emergjencave.
“Vullkani ka regjistruar shpërthime gjatë gjithë javës, edhe pse jo aq të mëdha sa ky”, shtoi ai. Një shpërthim i kësaj madhësie "sugjeron një rritje të aktivitetit", theksoi ai.
Aktualisht, niveli i alarmit për këtë vullkan mbetet në të verdhë (i 3-ti më i larti) në shkallën me katër nivele, që përkthehet në aktivitet "të rëndësishëm" sizmik, me shpërthime të vogla dhe çlirim të gazrave toksikë, sipas Observatorit Vullkanologjik dhe Sizmologjik të Kosta Rikës.
Autoritetet u kanë kërkuar banorëve të zonave pranë vullkanit që të qëndrojnë larg lumenjve për shkak të rrezikut të kontaminimit nga materialet e nxjerra nga krateri. Në Kosta Rika ka rreth 120 vullkane, por vetëm pesë prej tyre janë aktivë.
