Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
I riu nga Kosova në kërkim ndërkombëtar, kapet në Morinë duke tentuar hyrjen në Shqipëri!
PiranjatPërditësimi i fundit 6 Shtator 2025, 11:46
Gjykata lokale e Mynihut kishte lëshuar një urdhër-arrest ndërkombëtar ndaj Sabit Mehmetit, i dyshuar për kryerjen e veprës penale “Mashtrimi”, për të cilën parashikohet një dënim deri në 10 vjet burg.
27-vjeçari nga Kosova u arrestua në pikën kufitare të Morinës, teksa tentonte të hynte në Shqipëri, ndërkohë që ishte në kërkim nga autoritetet gjermane.
Ai pritet të ekstradohet drejt Gjermanisë
Njoftimi i policisë:
Si rezultat i kontrolleve dhe verifikimeve të imtësishme në hyrje/dalje, me objektiva goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare të Morinës, në bashkëpunim me shërbimet e DVP Kukës, ndaluan në hyrje shtetasin kosovar S. M., 27 vjeç, banues në Kosovë.
Nga verifikimet e kryera dhe nga informacioni i shkëmbyer me partnerët gjermanë, nëpërmjet Interpol Tiranës, rezultoi se ai ishte i shpallur në kërkim ndërkombëtar, pasi Gjykata lokale e Mynihut kishte nxjerrë ndaj tij urdhër-arrest ndërkombëtar, i dyshuar për kryerjen e veprës penale “Mashtrimi”, me maksimum dënimi deri në 10 vjet burg.
Interpol Tirana, në bashkëpunim me homologët në Gjermani, vijon procedurat për ekstradimin e 27-vjeçarit.
