Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
“Ikni nga Europa”/ Dalin PAMJET e sulmit me armë në shkollën suedeze ku humbën jetën 11 persona
E.DPërditësimi i fundit 6 Shkurt 2025, 13:22
SUEDI- Pamjet të reja janë publikuar nga sulmi me armë në shkollën Suedeze ku humbën jetën 11 persona. Në video dëgjohet një person duke bërtitur “Ikni nga Europa’. Videoja është regjistruar nga studenti Hashem Shams, i cili ishte fshehur në një tualet gjatë sulmit vdekjeprurës të Rickard Andersson-it në qendrën arsimore për të rritur Risbergska në Örebro, e cila ofron kurse të gjuhës suedeze për migrantët.
Transmetuesi TV4 ka analizuar pamjet dhe ka përmirësuar audion, duke zbuluar se dikush ka bërtitur “Duhet të largoheni nga Evropa” para se të dëgjoheshin dy të shtëna. Po ende nuk është e ditur në ishte vetë sulmuesi ai që bërtiti. Ndërsa policia tha se nuk kishte asnjë informacion që tregonte se Andersson, 35 vjeç, kishte ndonjë motiv ideologjik, të afërmit e tij thanë se ai ishte një person i tërhequr, i papunë dhe që po kalonte një kohë të vështirë.
Po ashtu mediat e huaja shkruajnë se në mesin e viktimave ka edhe shtetas sirianë. Hashem Shams u filmua duke qëndruar në një kabinë tualeti të mbyllur me çelës në shkollë gjatë masakrës, duke u përpjekur dëshpërimisht të qetësonte frymëmarrjen, ndërsa të shtënat e fuqishme dhe britmat kumbonin në korridorin jashtë. Sulmuesi dukej se po afrohej gjithnjë e më shumë deri sa u ndal pikërisht jashtë kabinës ku ishte fshehur Hashemi.
Pas një shpërthimi të fuqishëm të armës, tingulli i gëzhojës së plumbit u dëgjua teksa binte në dysheme dhe rrotullohej disa centimetra larg vendit ku ndodhej Hashemi. Ai e ktheu për një moment kamerën nga vetja, pak para se të dëgjohej edhe një e shtënë tjetër. Zhurma e armës bëri që Hashem të tronditej dhe fytyra e tij u shpreh me një ndjenjë frike të thellë.
Hashem më pas u ngjit mbi lavaman për të mos rrezikuar që plumbi ta kapte përmes derës. Ai nuk guxoi të thoshte asnjë fjalë, por shtoi tekst mbi videon e tij që thoshte: “Njerëzit po kërkojnë ndihmë,” ndërsa alarme të forta dëgjoheshin.
Në një tjetër video e publikuar disa minuta më vonë, Hashem kishte vendosur telefonin në dysheme dhe shihej duke u ulur në tualet me duar të ngritura ndërsa policia e armatosur hynte në ndërtesë.
“Jam student!” qante ai ndërsa një oficer i urdhëroi të hapte derën.
“Po e hap derën!” Oficeri u fut brenda dhe i urdhëroi Hashemin të qëndronte dhe të kthehej përpara se të kryente një kontroll të trupit për të siguruar që ai nuk po mbante armë.
