Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
BOTA
Influencuesja 26-vjeçare qëllohet për vdekje para 4 fëmijëve të saj! Mesazhi i fundit për ndjekësit
PiranjatPërditësimi i fundit 5 Maj 2026, 18:18
Një ngjarje e rëndë ka tronditur opinionin publik në Brazil, ku influencuesja e njohur Pamela Guimarães është qëlluar për vdekje në moshën 26-vjeçare.
Sipas raportimeve të mediave lokale, ngjarja ndodhi në Sertanópolis, jashtë banesës së saj. Një person i dyshuar iu afrua me automjet dhe e thirri nga jashtë. Guimarães u drejtua fillimisht drejt portës, por në momentin që po kthehej brenda, u qëllua me armë zjarri.
Në vendngjarje ndodheshin edhe katër fëmijët e saj, duke e bërë ngjarjen edhe më tronditëse. Ajo u transportua me urgjencë në një spital lokal, por fatkeqësisht nuk arriti t’u mbijetojë plagëve dhe u shpall e vdekur pak kohë më vonë.
E reja ishte mjaft aktive në rrjetet sociale, ku numëronte mbi 10 mijë ndjekës në platformën Instagram. Ajo njihej për përmbajtje mbi stilin e jetesës, bukurinë dhe modën, si dhe për ndarjen e momenteve nga jeta e saj familjare me katër fëmijët, më i vogli prej të cilëve kishte lindur vetëm pak muaj më parë.
Postimi i saj i fundit, i publikuar më 25 prill, përmbante një video me mesazhin prekës: “Dhe nëse ke nevojë për mua një mijë herë, unë do të jem aty, një mijë herë, pranë teje…”.
Pas lajmit për vdekjen e saj, rrjetet sociale u mbushën me mesazhe ngushëllimi nga ndjekësit dhe miqtë. “Nuk mund ta besoj”, shkroi një përdorues, ndërsa të tjerë e përshkruan si një frymëzim dhe i uruan prehje në paqe./PiranjatNews/
