Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Ish-kancelarja gjermane i kishte fobi, Putin reagon pas rrëfimit të Merkel për praninë e qenit të tij në takim: Nuk e dija, se s'do ta kisha bërë kurrë!
n.fPërditësimi i fundit 28 Nëntor 2024, 19:39
Takimi
RUSI- Ish-kancelarja gjermane, Angela Merkel në kujtimet e saj në librin e publikuara së fundmi ka treguar frikën që ndjeu kur pa qenin e Vladimir Putinit, gjatë vizitës së saj në Soçi në vitin 2007. Kjo temë është përmendur sot nga presidenti rus gjatë vizitës së tij në Astana. Putin theksoi se ai nuk dinte për fobinë e ish-kancelares gjermane ndaj qenve dhe dëshironte të krijonte një atmosferë të këndshme.
“Në të vërtetë, ky incident i veçantë kishte ndodhur. Zonja Merkel erdhi për të na vizituar. Qeni im Connie doli jashtë. Unë nuk e dija se kishte frikë nga qentë. Nëse do ta kisha ditur, nuk do ta kisha bërë kurrë. Përkundrazi, doja të krijoja një atmosferë kaq të relaksuar dhe të këndshme”, u tha Putin gazetarëve, duke iu përgjigjur pyetjes nëse ai me të vërtetë kishte “shfrytëzuar frikën e Merkelit ndaj qenve”.
“Ajo (Merkel) më vonë më tha se ishte kafshuar nga një qen kur ishte fëmijë. Këto gjëra ndodhin. Është një lloj traume psikologjike. Kur e mora vesh, i kërkova falje”, tha Putin.
Çfarë shkruan Merkel në kujtimet e saj për incidentin me qenin e Putinit
Në fragmentin e saj, nga libri me titull "Liria. " Merkel raporton:
"Që nga vizita ime e parë në janar 2006, Putini e dinte se kisha frikë nga qentë. Një qeni më kishte kafshuar afër shtëpisë sime në fillim të vitit 1995. Ne kishim informuar për këtë dhe i kërkuam Putinit që të mos e sillte qenin e tij në takim.
Në Moskë të vitit 2006, presidenti rus e kishte respektuar këtë kërkesë, megjithëse atëherë u kujdes të më provokonte: si dhuratë speciale më kishte bërë një qen të madh të mbushur, duke më thënë se “nuk kafshon”. Gjithçka që mund të bëja ishte të buzëqesha dhe ta duroja. Dhurata ia dhashë Christoph Heusgen-it, i cili duhej ta mbante derisa u gjet një oficer gjerman i protokollit për ta hequr nga duart.
Në Soçi në vitin 2007, Labradori i zi hyri në sallë. Ndërsa Putini dhe unë u ulëm dhe pozuam për fotografët dhe ekipet e kamerave në fillim të takimit, unë u përpoqa të injoroja qenin, edhe pse ishte pranë meje.
Nga shprehjet e fytyrës së Putinit mund të dalloja se po e shijonte situatën. Ai thjesht donte të shihte se si reagon dikush nën presion? Ishte një shfaqje e vogël e forcës? “Rri i qetë, fokusohu te fotografët, nuk do të kalojë shumë”, vazhdova të mendoja me vete. Kur "tortura" përfundoi më në fund, unë nuk i thashë asnjë fjalë Putinit për këtë, duke iu përmbajtur, siç kam bërë shpesh gjatë gjithë jetës sime, parimit britanik në lidhje me familjen mbretërore: "Kurrë mos shpjegoni, kurrë mos u anko".
