Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
BOTA
Ishte nisur drejt Groenlandës, avioni ushtarak francez kthehet mbrapsht
PiranjatPërditësimi i fundit 16 Janar 2026, 20:56
Mister rreth një avioni ushtarak të Forcave Ajrore Franceze mbi Groenlandë! Në vend që të ulej, ai papritmas devijoi nga kursi!
Airbusi ushtarak A400M ishte nisur në orën 08:05 me kohën gjermane nga baza ajrore franceze Istres në jug të Francës – pastaj fluturoi në një rreth mbi Mynih dhe Hamburg drejt Danimarkës. Atje, avioni francez bëri disa rrotullime dhe më pas shoqëroi një avion Bombardier të forcave ajrore daneze drejt Grenlandës.
Por pastaj ndodhi ajo që nuk pritej: Së pari avioni francez u rrotullua disa herë mbi ishullin juglindor të Groenlandës, Kulusuk – pastaj ktheu drejtim komplet dhe u nis sërish drejt kontinentit evropian. Dhe në Groenlandë filloi një valë spekulimesh: A nuk guxuan francezët të uleshin tek ne?
Shqetësuese: Danimarka, pas fluturimeve të veta ushtarake të para, gjithashtu ka filluar të transportojë ushtarët e saj me avionë civilë. Po ashtu edhe aleatët e saj, të cilët Kopenhageni i ka ftuar për ushtrime dhe eksplorime në Groenlandë – të gjithë po fluturojnë me avionë civilë! Gjermanët me një avion çarter polak.
Një nga mundësitë është edhe kërcënimi i SHBA ndaj shteteve që kundërshtojnë politikën e administratës amerikane për Groenlandën. Dhe pak pasi kthimit të avionit francez, Presidenti amerikan Donald Trump shpërtheu në Shtëpinë e Bardhë kundër të gjithë kundërshtarëve të planeve të tij për ishullin danez. Trump: “Mund të vendos një tarifë ndaj shteteve që mbështesin Groenlandën, sepse na duhet Groenlanda për sigurinë kombëtare”.
Shqetësuese: Edhe Gjermania kishte njoftuar të mërkurën në mbrëmje se do të dërgonte 15 ushtarët e saj me një Airbus A400M të forcave ajrore në Groenlandë. Por pas disa orësh, të enjten u bë ndryshimi i planit: dje u nisën me avionin ushtarak drejt Danimarkës dhe prej andej sot me avionin polak të linjës Enter-Air (që zakonisht fluturon drejt vendeve të ngrohta) drejt Nuuk.
Që dje u tha për BILD se Ministri i Mbrojtjes, Boris Pistorius, nuk donte të provokonte SHBA-të me uljen e një avioni ushtarak pa pasur nevojë.
Tani thuhet se Franca ka hequr dorë nga ulja e kontingjentit të dytë të ushtarëve në Groenlandë (të parët mbërritën të mërkurën në mbrëmje) me një avion ushtarak të vetin. Megjithatë, Parisi donte të tregonte të paktën se ishte i pranishëm – me fluturimin e A400M të tij, shkruan Bild.
Presidenti francez Emmanuel Macron kishte njoftuar dje në një fjalim: Franca do të dërgojë “ditët e ardhshme forca shtesë tokësore, ajrore dhe detare” në Groenlandë. Fjalimi u mbajt në bazën ajrore nga ku u ngrit sot avioni A400M.
