Të dielën, më 20 shtator, qytetarët në Berlin dhe në Mecklenburg-Pomeraninë Perëndimore do t’u drejtohen kutive ...
BOTA
Jep dorëheqjen ministrja italiane e Turizmit pas presionit të Melonit. Letra: Jam mësuar të paguaj faturat e mia!
PiranjatPërditësimi i fundit 25 Mars 2026, 18:33
Në fund ajo u dorëzua pasi kishte konfirmuar axhendën e saj për të mërkurën, 25 mars. Për të treguar se nuk kishte ndërmend të linte postin si ministre, Daniela Santanchè dha dorëheqjen nga posti i ministres së Turizmit.
Pas fitores së “jo”-së në referendumin për drejtësinë, kryeministrja Giorgia Meloni vendosi të “pastrojë gjithçka”. Kështu erdhën dorëheqjet e Giusi Bartolozzi shefe e kabinetit të Ministrisë së Drejtësisë dhe e zëvendësministrit të drejtësisë Andrea Delmastro Delle Vedove.
Me një deklaratë, Pallati Chigi shpresonte, të martën në mbrëmje, që “në të njëjtën linjë ndjeshmërie institucionale, një zgjedhje e ngjashme të ndahej edhe nga ministrja e Turizmit Daniela Santanchè”. Santanchè, e mbrojtur deri tani nga qeveria pavarësisht problemeve të saj gjyqësore (ajo i ka kaluar pa pasoja tre mocione mosbesimi nga opozita e majtë), e injoroi deklaratën deri në fund.
Por më pas, mundësia e një përgënjeshtrimi në Parlament, me një mocion mosbesimi të planifikuar për të hënën, 30 mars, dhe të mbështetur nga shumica, duket se e bëri të ndryshojë mendje. Mundësia për t’u larguar publikisht nga qeveria në sallën e Kuvendit, me mbështetjen ose abstenimin e aleatëve të saj, iu duk e papranueshme. Corriete shkruan se për ministren ishte “një turp publik që nuk mund ta përballonte. Më mirë të jepte dorëheqjen vetë, para se të bëhej një rast i madh publik”.
Deklarata e Santanchè: Nuk dua të jem kokë turku
“E dashur Giorgia,” shkruhet në letër, “po të paraqes dorëheqjen time nga roli i ministres që më kishe besuar dhe që besoj se e kam ushtruar sa më mirë të ishte e mundur. Të falënderoj për besimin. Doja që të ishte e qartë publikisht se ishe ti që më kërkove të largohesha, sepse gjithmonë kam thënë se do të jepja dorëheqjen vetëm pas një kërkese të qartë dhe publike nga ana jote. Dua të theksoj se deri më sot dosja ime penale është e pastër dhe për çështjen e pagesave nuk ka as një kërkesë për gjykim.
Dje, ndoshta në mënyrë të ashpër, të shpreha se nuk isha gati të jepja dorëheqjen menjëherë, sepse nuk dua të jem një ‘kokë turku’ për një humbje që nuk është shkaktuar nga unë. Tani, pasi kjo është sqaruar, nuk kam vështirësi të them ‘bindem’ dhe të bëj atë që më kërkon.
Nuk të fsheh njëfarë hidhërimi për mënyrën si përfundoi rrugëtimi im si ministre, por në jetën time jam mësuar të paguaj për veten dhe shpesh edhe për të tjerët. Vlerësoj më shumë miqësinë tonë dhe të ardhmen e lëvizjes sonë.”
Problemet gjyqësore
Që Santanchè mund të largohej nga qeveria ishte përfolur prej kohësh. Jo aq për kritikat lidhur me bizneset e saj apo fushatat reklamuese, por për çështjet serioze gjyqësore.
Në qershor 2023 doli në dritë hetimi i parë për menaxhimin e kompanisë Visibilia Editore, me akuza për falimentim dhe falsifikim bilanci. Prokuroria e Milanos hetonte për këtë çështje që nga viti 2022.
Më pas u shtuan edhe hetime të tjera: dyshime për mashtrim ndaj INPS (punonjës që punonin ndërkohë që ishin në skemë ndihme), si dhe hetime për falimentim të kompanisë Bioera.
Emri i saj është përmendur edhe në hetime për një shitje të dyshimtë prone në Versilia, ku po verifikohet mundësia e pastrimit të parave.
Pavarësisht gjithçkaje, Santanchè gjithmonë i ka mohuar akuzat dhe ka pretenduar se është objekt sulmesh dhe xhelozie, duke shtyrë vendimet deri në fund. Deri në momentin kur, në fund, u detyrua të japë dorëheqjen. /PiranjatNews/
