Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Jeta luksoze e presidentit rus! Putin zbulon për herë të parë rezidencen e tij në Kremlin (VIDEO)
e. dPërditësimi i fundit 2 Maj 2025, 07:54
RUSI- Pas vitesh spekulimesh dhe thashethemesh, presidenti rus Vladimir Putin i ka zbuluar publikut për herë të parë apartamentin e tij në Kremlin, një hapësirë që zakonisht është e arritshme vetëm për ata që janë brenda rrethit të tij të ngushtë. Në videon e publikuar nga Daily Mail, presidenti rus shihet fillimisht duke biseduar me gazetarin Pavel Zarubin jashtë rezidencës së tij e cila është në një distancë të shkurtër nga zyra e tij e veshura me ar.
Putin showed journalist Pavel Zarubin his apartment in the Kremlin and admitted that he has been spending the night there almost every day for the past 3 years. pic.twitter.com/dhvhXLMXlK
"Po, ky është apartamenti. Siç mund ta shihni, nuk është larg," thotë Putin, duke e ftuar gazetarin brenda.
Pjesa e brendshme e apartamentit është jashtëzakonisht luksoze. Dhoma e ndenjes është zbukuruar me pasqyra të mëdha të praruara, llambadarë dhe bimë ekzotike. Mbi një tavolinë qëndron portreti i Aleksandr III. Divane me ngjyra të çelëta mund të shihen në qendër të dhomës, ndërsa një piano e bardhë është vendosur pranë dritares.
Gjithashtu vetë Putini komenton se rrallë ka kohë të luajë muzikë. Në fragmente të tjera nga intervista e gjatë që do të transmetohet në Rusi më 4 maj, Putin i tregon Zarubinit gjithashtu një bibliotekë prej druri të errët, dy dhoma gjumi.
Ai kishte zbuluar në një intervistë të mëparshme, në mars 2023, se negociatat e tij jozyrtare me Presidentin kinez Xi Jinping kishin ndodhur në apartamentin në fjalë.
"Fillimisht patëm një drekë pune dhe pastaj e ftova presidentin, si mik, të na zhvendoste në një dhomë tjetër. Kam një apartament këtu [në Kremlin], ku kam kaluar shumë kohë kohët e fundit, duke punuar dhe shpesh duke kaluar edhe natën atje. Kështu që shkuam atje dhe, të ulur pranë oxhakut, duke pirë çaj, biseduam për të gjitha çështjet me qetësi", tha Putin në atë kohë.
Megjithatë, ky imazh i bollëkut është në kontrast të fortë me tragjedinë e ushtarëve rusë që vriten masivisht në fushat e betejës së Ukrainës , komenton gazeta britanike. Sipas shërbimit të inteligjencës ushtarake të Mbretërisë së Bashkuar, Rusia ka pësuar humbjet më të larta të personelit ushtarak që nga Lufta e Dytë Botërore që nga fillimi i pushtimit në shkurt 2022, vlerësohet se deri në 250,000 ushtarë rusë janë vrarë.
