Policia e Fierit ka vënë në pranga, dajën e deputetes së PS, Zegjine Çaushi, pasi Bledar Bakaj dyshohet se plagosi me drap&eum...
BOTA
Jo vetëm Hormuzi, të gjitha ngushticat që rrezikojnë të bllokojnë ekonominë globale
PiranjatPërditësimi i fundit 29 Prill 2026, 20:37
Ngushtica e Hormuzit nuk është i vetmi korridor jetik për ekonominë globale. Në mbarë botën ekzistojnë mbi 200 ngushtica detare, kalime natyrore ose artificiale, përmes të cilave kalon një pjesë e madhe e tregtisë ndërkombëtare.
Një nga më të rëndësishmet në Lindje, është Ngushtica e Malakës, një arterie kyçe ku kalon një pjesë e konsiderueshme e tregtisë mes Lindjes dhe Perëndimit. Po ashtu, Kanali i Panamasë mbetet një nga rrugët më strategjike. Pa të, anijet do të detyroheshin të rrethonin gjithë kontinentin amerikan, duke rritur ndjeshëm kohën dhe kostot e transportit.
Në hemisferën jugore, pika të rëndësishme janë Kepi i Shpresës së Mirë në Afrikë dhe Kepi Horn në Amerikën e Jugut, që lidhin oqeanet dhe shërbejnë si alternativa për rrugët kryesore tregtare.
Ndërkohë, në veri, shkrirja graduale e akullit në Arktik ka rikthyer në vëmendje kalimet e dikurshme legjendare detare. Kalimi Veriperëndimor dhe ai Verilindor, përkatësisht në veri të Amerikës dhe Siberisë, po bëhen të kalueshme në periudha të caktuara të vitit, duke ofruar rrugë më të shkurtra mes Evropës dhe Azisë.
Këto korridore janë thelbësore për ekonominë botërore, por gjithashtu po aq të ndjeshme. Çdo bllokim apo tension në to, mund të ketë pasoja të menjëhershme në tregtinë globale dhe furnizimin me energji.
