Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Ka lënë gjurmë në epokën e tij", reagimet e zyrtarëve francez për vdekjen e Jean-Marie Le Pen
E.DPërditësimi i fundit 7 Janar 2025, 16:00
FRANCË- Zyrtarët francez kanë shprehur ngushëllimet e tyre pas vdekjes së Jean-Marie Le Pen, i cili nërroi jetë në moshën 96-vjeçar.
Jordab Bardella, Kryetari i Mbledhjes Kombëtare të së Djathtës
Jean-Marie Le Pen ka vdekur. I regjistruar me uniformën e ushtrisë franceze në Indokinë dhe Algjeri, orator në Asamblenë Kombëtare dhe Parlamentin Evropian, ai i ka shërbyer gjithmonë Francës, ka mbrojtur identitetin dhe sovranitetin e saj. Sot mendimet e mia janë me të familjen, të dashurit e tij dhe sigurisht të (vajzës së tij) Marine, zia e së cilës duhet të respektohet.
Emmanuel Macron, Presidenti francez
Një figurë historike e së djathtës ekstreme, ai luajti një rol në jetën publike të vendit tonë për afro shtatëdhjetë vjet, gjë që tani është çështje për tu gjykuar nga historia.
Francois Bayrroku, Kryeministri Francez
Përtej polemikave që ishin arma e tij e preferuar (...), JM Le Pen ishte një figurë e jetës politike franceze. Ne e dinim, duke e luftuar atë, se çfarë luftëtar ishte.
Bruno Retailleau, Ministri i Brendshëm francez
Sot, një faqe në historinë politike franceze është kthyer. Cilido qoftë mendimi i dikujt për Jean-Marie Le Pen, ai padyshim do të ketë lënë gjurmë në epokën e tij.
Eric Zemmour, ish-kandidat Presidencial i së Djathtës
Përtej polemikave, përtej skandaleve, ajo që do të kujtojmë për të në dekadat e ardhshme është se ai ishte ndër të parët që paralajmëroi Francën për kërcënimet ekzistenciale që e prisnin. Trashëgimia e tij do të jetë vizioni dhe guximi i tij, në një kohë. kur burrat e guximshëm nuk ishin aq të shumtë.
Tom Van Grieken, Kryetari i Partisë Flemane të së Djathtës
Me vdekjen e Jean-Marie Le Pen, Marine Le Pen dhe familja e saj humbin një (gjysh) dhe Evropa nacionaliste humbet një baba themelues. Ai ishte një shembull për partinë tonë në shumë mënyra. Ndonjëherë kokëfortë, shpesh jofleksibël, por gjithmonë i drejtpërdrejtë dhe i vërtetë ndaj parimeve të tij.
