Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
"Këtu po ndodhin shumë gjëra pozitive", Blair: Përgëzoj popullin e Kosovës, mezi pres t’iu shoh në familjen evropiane
n.fPërditësimi i fundit 10 Qershor 2024, 11:44
Blair dhe Osmani
KOSOVË- Ish-kryeministri britanik, Tony Blair ndodhet ditën e sotme në Kosovë me rastin e 25-vjetorit të çlirimit të vendit. Blair është takuar me presidenten e Kosovës, Vjosa Osmani ku më pas kanë mbajtur një konferencë për mediat.
Gjatë fjalës së tij Blair ka ritheksuar sërish mbështetjen për Kosovën. Ai përgëzoi popullin e Kosovës për guximin dhe vendosmërinë e tyre të palëkundur që ta shfrytëzojnë atë për çlirimin e vendit.
“Emocione të thella të jem këtu. Përgëzime popullit të Kosovës për guximin dhe vendosmërinë e tyre të palëkundur që ta shfrytëzojnë atë për çlirimin e vendit. Atëherë isha i bindur që ishte gjëja e duhur për ta bërë, dhe sot jam i bindur që të jem përkrah popullit të Kosovës”, u shpreh Blair në konferencën me Osmanin.
Blair ka thënë se pret që Kosova, në të ardhmen, të jetë pjesë e Bashkimit Evropian.
“Këtu po ndodhin shumë gjëra pozitive, që janë në të mirë për gjithë botën. Mezi pres ta shoh ditën që Kosova të zërë vend në familjen evropiane. Së shpejti do t’i adresohem deputetëve të Kuvendit por edhe njëherë dua të shpreh solidaritetin me njerëzit e Kosovës”, tha Blair.
