Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
KiE "në alarm" për marrëveshjen Itali–Shqipëri: Rrezik torturash dhe shkeljesh të të drejtave të emigrantëve
PiranjatPërditësimi i fundit 5 Shtator 2025, 19:00
Këshilli i Evropës u ka bërë thirrje 46 vendeve anëtare që të mos delegojnë përpunimin e kërkesave për azil në vende të treta, duke paralajmëruar se praktika të tilla rrezikojnë të çojnë në tortura, keqtrajtime, dëbime kolektive dhe cenim të jetës së emigrantëve.
Në raportin e ri, është përmendur edhe marrëveshja mes Italisë dhe Shqipërisë, në kuadër të së cilës emigrantët e zbarkuar në brigjet italiane strehohen në qendra pritjeje në territorin shqiptar. Sipas Këshillit, këto struktura po përdoren edhe për riatdhesimin e azilkërkuesve.
Komisioneri për të Drejtat e Njeriut, Michael O’Flaherty, tha se “politikat e eksternalizimit” mund të pengojnë aksesin real në azil dhe të privojnë individët nga mjetet ligjore.
Muajin e kaluar, Gjykata e Drejtësisë së BE-së vendosi që azilkërkuesit e transferuar në Shqipëri nga Italia duhet të kthehen në territorin italian, duke e cilësuar praktikën e qeverisë italiane në kundërshtim me të drejtat e azilkërkuesve.
Në raport theksohet gjithashtu se edhe vende të tjera, përfshirë Britaninë, kanë marrë masa të ngjashme për transferimin e migrantëve në shtete të treta, si Franca, Ruanda apo Uganda.
