Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
BOTA
Komandanti i lartë i Mbretërisë së Bashkuar paralajmëron: Bota është në prag të epokës së tretë bërthamore!
E.DPërditësimi i fundit 5 Dhjetor 2024, 17:44
MBRETËRIA E BASHKUAR- Kreu i forcave të armatosura të Mbretërisë së Bashkuar ka paralajmëruar se bota është në prag të një epoke të tretë bërthamore.
“Bota ka ndryshuar. Fuqia globale po zhvendoset dhe një epokë e tretë bërthamore është përpara nesh. Kjo epokë e tretë bërthamore, e cila është “në agim”, vjen nga dilema të shumta me teknologjitë bërthamore të përhapura dhe shkatërruese, dhe mungesa pothuajse totale e arkitekturave të sigurisë”, tha kreu i forcave të armatosura britanike.
Ai tha gjithashtu se Lufta e Rusisë në Ukrainë dhe konfliktet e shumta në Lindjen e Mesme kanë përmbysur stabilitetin global. Më teh tha se vendosja e trupave të Koresë së Veriut në kufirin e Rusisë me Ukrainën ishte zhvillimi më i jashtëzakonshëm i vitit. Sipas tij zhvillimet e fundit sç janë përdorimi i dronëve të furnizuar nga Irani dhe kërcënimet e Rusisë për të armatosur rebelët Houthi të Jemenit në hakmarrje ndaj mbështetjes së Ukrainës nga Perëndimi janë mjaft kritike për zhvillimet e luftës, e cila po merr tashmë përmasa globale.
Në nëntor, Rusia përditësoi doktrinën e saj bërthamore , dy ditë pasi Presidenti i SHBA Joe Biden i dha Ukrainës lejen për të goditur objektivat brenda Rusisë me armë të prodhuara nga Amerika. Pavarësisht kësaj, Radakin beson se ekziston vetëm një shans i largët që Rusia të sulmojë ose pushtojë NATO-n, pasi ajo e di se përgjigja do të ishte dërrmuese, qoftë konvencionale apo bërthamore.
“Strategjia e parandalimit nga NATO po funksionon. Por NATO duhet të mbahet e fortë dhe të forcohet kundër një Rusie më të rrezikshme,” tha shefi i forcave të armatosura.
Radakin tha se shqetësimi global po e ndan botën në tre grupe. Në një grup janë shtetet autoritare që kërkojnë të sfidojnë rregullat globale, duke përfshirë Rusinë, Kinën, Korenë e Veriut dhe Iranin. Në të dytën janë kombet përgjegjëse, kryesisht duke përfshirë demokracitë, por edhe monarkitë e Gjirit dhe të tjera që janë të përkushtuara për partneritet dhe për ruajtjen e stabilitetit dhe sigurisë në botë. Grupi i tretë përbëhet nga vende që qendrojnë mes dy grupimeve për përfitim maksimal.
"Në tetor, një sulm izraelit në Iran shkatërroi aftësinë e Teheranit për të prodhuar raketa balistike për një vit dhe shkatërroi pothuajse të gjithë sistemin e mbrojtjes ajrore të Iranit. Në këtë kuptim, Rusia po na tregon se si të mos luftojmë. Dhe Izraeli, në përgjigjen e tij ndaj Iranit, na ka treguar avantazhin joproporcional të mënyrave moderne të luftimit”, tha Radakin.
