Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
BOTA
"Kosova po shkruan një kapitull të ri të bashkëpunimit ushtarak ndërkombëtar," Osmani: Defender Europe ’25 dëshmon përkushtimin ndaj paqes dhe sigurisë
n.fPërditësimi i fundit 29 Maj 2025, 19:21
KOSOVË- Presidentja e Kosovës, Vjosa Osmani përmes një postimi në "Facebook" ka bërë me dije se ditën e sotme në cilësinë e Komandantes Supreme të Forcës së Sigurisë së Kosovës (FSK), mori pjesë në ushtrimin ndërkombëtar Defender Europe ’25, një prej operacioneve më të mëdha ushtarake.
Ajo theksoi se Kosova ka jo vetëm rolin e pjesëmarrëses, por edhe të nikoqires së këtij ushtrimi strategjik që përfshin mijëra trupa nga SHBA dhe vendet aleate të NATO-s. Sipas saj Kosova po shkruan një kapitull të ri të bashkëpunimit ushtarak ndërkombëtar. Osmani theksoi se mesazh është i qartë që Kosova jo vetëm që kontribuon, por është e gatshme të jetë pjesë e NATO-s.
"Sot, në cilësinë e Komandantes Supreme të Forcës së Sigurisë së Kosovës, vizitova Defender Europe ’25 – ushtrimin më të madh të këtij viti të US Army Europe, ku Kosova jo vetëm që merr pjesë, por ka edhe nderin të jetë nikoqire. Krah për krah me forcat e armatosura të Shteteve të Bashkuara të Amerikës dhe aleatëve tjerë të NATO-s, vendi ynë po shkruan një kapitull të ri të bashkëpunimit ushtarak ndërkombëtar.
Vetëm dy ditë më parë, në SHBA, diskutuam për vizionin e përbashkët për mbrojtjen e Evropës. Sot, ky vizion po zbatohet në terren, në tokën tonë, përmes Defender Europe ’25 – një ushtrim i përmasave të jashtëzakonshme që dëshmon përkushtimin ndaj paqes dhe sigurisë. Rreth 1000 pjesëtarë të FSK-së janë të angazhuar drejtpërdrejt – profesionistë të barabartë me aleatët nga vendet më të fuqishme të botës. Ky është një mesazh i qartë: Kosova jo vetëm që kontribuon, por është e gatshme të jetë pjesë e NATO-s," shkruan Osmani.
