TIRANË- Ambasada amerikane në Tiranë ka publikuar së fundmi një mesazh të rëndësishëm për qytetarët n&e...
BOTA
Kriza në Lindjen e Mesme, Meloni mbledh virtualisht liderët e G7
M.B.Përditësimi i fundit 2 Tetor 2024, 14:08
ITALIA- Kryeministrja italiane Giorgia Meloni do të mbajë takim virtual me liderët e G7-s të mërkurën për të diskutuar për krizë në Lindjen e Mesme. Raportohet se Meloni i ka thënë ministrave se ka “shqetësime të thella” për zhvillimet e fundit, duke përfshirë sulmin raketor të Iranit kundër Izraelit dhe jostabilitetin në Liban, ka thënë zyra e saj.
“Italia do të vazhdojë të përpiqet për zgjidhje diplomatike, duke përfshirë edhe përmes aftësive të saj si kryesuese e G7-s. Unë kam thirrur për takim këtë pasdite liderët e shteteve të grupit”, citohet t’i ketë thënë Meloni kabinetit të saj.
Italia mban presidencën e radhës së G7-s – grupi i demokracive kryesore perëndimore, i cili përbëhet nga Shtetet e Bashkuara të Amerikës, Kanadaja, Britania, Franca, Gjermania, Italia dhe Japonia.
