Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
"Kushdo që na sulmon, do ta sulmojmë!" Netanyahu pas sulmit me raketa: Irani bëri një gabim të madh, do të paguajë
M.B.Përditësimi i fundit 2 Tetor 2024, 08:00
LINDJE E MESME- Kryeministri izraelit Benjamin Netanyahu u tha izraelitëve se Irani bëri një gabim të madh dhe do e bëjë të paguajë për nisjen e një sulmi raketor të martën. Ai tha se sulmi dështoi dhe se u pengua falë sistemit të mbrojtjes ajrore izraelite. Githashtu ai shtoi se falenderon të gjithë vendin për bashkëpunimin për tu vendosur në mbrojtje.
Netanyahu foli gjithashtu për sulmin në lagjen Jaffa të Tel Avivit, duke u dërguar ngushëllime familjeve të të vrarëve. Këto deklarata, Netanyahu i bëri në një video të publikuar nga zyra e shtypit.
“Sonte, Irani sulmoi përsëri Izraelin me qindra raketa. Ky sulm dështoi. Ai u pengua falë sistemit të mbrojtjes ajrore të Izraelit, i cili është i avancuari në botë. Është penguar falë vigjilencës dhe tërësinë e treguar nga ju. Falenderoj të gjithë vendin për bashkëpunimin për tu vendosur në mbrojtjen tonë.
Irani bëri një gabim të madh dhe do të paguajë për të. Regjimi në Iran nuk e kupton vendosmërinë tonë për t'u hakmarrë kundër armiqve tanë. Ne do t'i qëndrojmë rregullit që kemi vendosur: kushdo që na sulmon, ne do ta sulmojmë atë", tha ai.
