Izraeli dhe Libani kanë rënë dakord për zbatimin e një armëpushimi, njoftoi Departamenti Amerikan i Shtetit përmes një...
BOTA
Kurti viziton konsullatën në Hamburg: Ndërrimi i objektit, dëshmi për të mbrojtur imazhin e Republikës në botë
e. dPërditësimi i fundit 21 Qershor 2024, 21:57
Albin Kurti
HAMBURG- Kryeministri Albin Kurti gjatë qëndrimit në Gjermani ka vizituar edhe objektin e Konsullatës së Kosovës në Hamburg. Kurti përmes një postimi në Facebook, ka thënë se objekti gjendet në njërën prej lagjeve më të bukura të qytetit. Sipas kryeministrit ndërrimi i objektit të konsullatës është një dëshmi se qeveria dëshiron të mbrojë imazhin e Republikës kudo në botë. Konsullata e Përgjithshme e Republikës së Kosovës në Hamburg, së bashku me pesë misionet tjera konsullore në Gjermani, përbën misionin më të madh diplomatik dhe konsullor të Republikës së Kosovës në botë.
“Gjatë qëndrimit në Hamburg vizitova objektin e ri të Konsullatës së Përgjithshme të Republikës së Kosovës, e cila gjendet në Rotherbaum në një nga lagjet më të bukura të qytetit, fiks përballë stacionit të metros Hallerstrasse U1 në adresën Rothenbaumchaussee 133 (20149 Hamburg). Ndërrimi i objektit të konsullatës është një dëshmi e qartë e angazhimit të Qeverisë së Kosovës për të mbrojtur imazhin e Republikës së Kosovës kudo në botë dhe për të ofruar shërbime sa më të mira konsullore për qytetarët tanë”, Ka shkruar Kurti.
