Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Kurti zbulon 3 “fytyrat” e Vuçiç: Ai kundër Kosovës është më i vërteti
e. dPërditësimi i fundit 5 Qershor 2024, 22:29
Aleksandër Vuçiç dhe Albin Kurti
KOSOVË- Kryeministri i Kosovës Albin Kurti ka reaguar në lidhje me Presidentin serb. Kurti i ftuar në emisionin “Debat” në A2 CNN u shpreh se Aleksandër Vuçiç dhe përqasja që ai ka ndaj Kosovës kur flet për mediat dhe popullin e tij, është diametralisht e kundërt nga ajo që përdor kur diskuton ndarazi me ndërkombëtarët.
I pyetur nëse Vuçiç është aq i ashpër dhe radikal siç e shohim në prononcimet e tij publike, edhe kur negocion me të në Bruksel, Kurti u përgjigj duke thënë: “Besoj që ajo çfarë thotë publikisht dhe ajo çka ka deklaruar nuk janë të ndryshme, mirëpo ajo çfarë u thotë ndërkombëtarëve në takime ndarës me atë, duket se ata shohin një Vuçiç tjetër e andaj janë sjellur dhe më butë me të”.
Sipas shefit të qeverisë në Prishtinë, janë 3 versione të Vuçiç, të cilat dalin në pah në situata dhe raporte të ndryshme.
“Është e qartë se nuk ka veç një Vuçiç, një është kundër Kosovës, që është më i vërteti. Dhe janë dy të tjerë, një është për konsumin e brendshëm të popullsisë në Serbi dhe një tjetër për politikanët dhe diplomatët ndërkombëtar. Por kjo karshi Kosovës shprehet si publikisht si në takime, nuk mund të them se është e ndryshme," tha Kurti.
