Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
BOTA
Le Pen mund të bëhet ende presidente franceze pas apelit të planifikuar për vitin 2026
n.fPërditësimi i fundit 1 Prill 2025, 21:02
PARIS- Udhëheqësja e ekstremit të djathtë, Marine Le Pen mund të ketë një shans për të vijuar përpjekjen e saj për t'u bërë presidente e Francës. Kjo mund të arrihet pasi një gjykatë e apelit tha se do të nxjerrë një vendim për rastin e Le Pen deri në verën e vitit të ardhshëm.
Ndërhyrja dramatike do të thotë se politikania i Rally Kombëtar, kandidatja kryesor për të zëvendësuar Emmanuel Macron në 2027, jeton për të luftuar edhe një ditë pasi iu ndalua të hënën të kandidojë për postin, shkruan Politico. Kjo është kthesa e fundit në një sagë që ka mbërthyer politikën franceze.
Le Pen, një populiste e flaktë u shpall fajtore së bashku me 23 të tjerë për përvetësim të fondeve të Parlamentit Evropian dhe iu dhanë një sërë gjobash, dënime me burg të pezulluar dhe ndalime nga postet publike. Gjykata vendosi se graviteti i krimeve të Le Pen do të thoshte që ndalimi i saj pesë-vjeçar për të kandiduar në zgjedhje do të zbatohej menjëherë.
Kjo u pa si një goditje thuajse fatale për shanset e saj për të kandiduar në votimin e ardhshëm presidencial, me Le Pen që pranoi se rruga do të ishte “e ngushtë”, por duke u zotuar të luftojë. Me Macron i paaftë për të shërbyer një mandat të tretë, Le Pen kishte shanse për ta zëvendësuar atë. Ajo ka bërë më parë tre oferta presidenciale të pasuksesshme. Le Pen tashmë ka apeluar vendimin. Një gjë të tillë e kanë bërë edhe dy të pandehur të tjerë, sipas gjykatës.
Vendimi i së hënës solli tronditje në të gjithë politikën franceze, me aleatët e Le Pen që e kritikuan vendimin si të politizuar dhe antidemokratik dhe presidenti i SHBA Donald Trump dhe këshilltari i tij Elon Musk gjithashtu e mbështesin atë.
