Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Lideri i parë i huaj që takohet me Trump pas vendimit të tarifave, ja çfarë pritet të diskutohet mes Netanyahut dhe presidentit amerikan në Uashington
r.llPërditësimi i fundit 7 Prill 2025, 14:23
netanyahu, trump
SHBA- Kryeministri i Izraelit, Benjamin Netanyahu ndodhet në Uashington për të zhvilluar një takim me presidentin amerikan Donald Trump. Fokusi i bisedimeve mes dy liderëve raportohet se do të jenë rritja dramatike e tarifave, tensioni me Iranin dhe lufta aktuale në Gaza.
Kryeministri i Izraelit mbërriti në Uashington nga Hungaria dhe është lideri i parë i huaj që takohet me presidentin amerikan pas vendimit të tij për të vendosur tarifa shtesë për mallrat e importuara në Shtetet e Bashkuara. Netanyahu do të përpiqet të bindë Trump që të përjashtojë Izraelin nga tarifat prej 17% për importet e mallrave izraelite.
Menjëherë pas mbërritjes së tij, kryeministrit izraelit u takua me Sekretarin e Tregtisë së SHBA, Howard Lutnick dhe përfaqësuesin e tregtisë në Shtëpinë e Bardhë, Jamieson Greer.
"Unë jam lideri i parë i huaj që takohem me Presidentin Trump për çështjen vendimtare për ekonominë izraelite," tha Netanyahu para se të nisej nga Budapesti. "Unë mendoj se kjo pasqyron marrëdhënien e veçantë personale dhe lidhjen unike midis Shteteve të Bashkuara dhe Izraelit, e cila është jashtëzakonisht e rëndësishme në këtë kohë."
Sipas Jonathan Rynhold, drejtor i Studimeve Politike në Universitetin Bar-Ilan në Tel Aviv, Netanyahu do të kërkojë të nxjerrë një përjashtim nga tarifat në emër të Izraelit. Një përjashtim i tillë jo vetëm që do të përfitonte Izraelin, por gjithashtu do të kënaqte republikanët e Kongresit, të cilët aktualisht nuk janë të gatshëm të përballen me Trump për këtë çështje, sipas Jonathan Rynhold.
Izraeli u përpoq të shmangte barrën e re tatimore duke ndërmarrë veprime parandaluese të martën e kaluar, në prag të njoftimeve të Trump, duke hequr të gjitha tarifat e mbetura për 1 për qind të mallrave amerikane. Por Donald Trump këmbënguli, duke thënë se Shtetet e Bashkuara kanë një deficit të konsiderueshëm tregtar me Izraelin, një nga destinacionet kryesore të ndihmës ushtarake amerikane.
