“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
BOTA
Lodra seksi, prezervativë dhe Trump i rrethuar nga femra! Dalin fotot e reja nga dosja Epstein
PiranjatPërditësimi i fundit 12 Dhjetor 2025, 21:44
Demokratët në Komitetin Mbikëqyrës të Dhomës së Përfaqësuesve publikuan të premten materiale të tjera nga dosjet personale të pedofilit të dënuar dhe vetëvrarë në burg Jeffrey Epstein, të cilat tregojnë figura të fuqishme në orbitën si regjisori i njohur Woody Allen, ish-këshilltari i Trump, Steve Bannon, biznesmeni Richard Branson i kompanisë “Virgin” dhe miliarderi Bill Gates.
Shumë personazhe të fuqishëm kanë qenë të lidhur më parë me Epstein, megjithëse fotot e publikuara mund të hedhin dritë të re mbi shkallën e këtyre marrëdhënieve. Presidenti amerikan, i cili ka qenë mik me Epsteinin, shihet me krahët rreth dy grave që mbajnë varëse të stilit hauaian.
Përveç fotos së Trump i rrethuar nga gratë ajo që bie në sy është edhe një tas me prezervativë me fytyrën e Donald Trump mbi to. Ka një tabelë që thotë “Prezervativët Trump 4.50 dollarë”, ndërsa paketimi thotë “Jam i maaadh”.
Trump ka thënë se e kishte ndërprerë miqësinë me Epsteinin, i cili vdiq në vitin 2019 ndërsa ishte në gjyq për trafikim seksual, shumë kohë përpara se ai të dënohej për herë të parë. Nga fotot e reja të publikuara, Presidenti amerikan Donald Trump shfaqet në 3 prej tyre.
Imazhe të tjera të publikuara përshkruajnë Steve Bannon dhe Epstein duke bërë një fotografi në një pasqyrë; Bill Clinton me Epstein, Maxwell, një çift tjetër dhe miliarderi i teknologjisë Bill Gates me ish-Princin Andrew. Ish-Presidenti i Harvardit Larry Summers dhe avokati Alan Dershowitz u shfaqën gjithashtu në fotografi nga prona, shkruan CNN.
Lidhjet e Trump me Epstein janë të njohura mirë. Të dy ishin pjesë e të njëjtave rrethe shoqërore në Manhattan dhe Palm Beach. Por Trump nuk është akuzuar për ndonjë shkelje penale. Imazhet e publikuara nga demokratët të premten përfshinin edhe imazhe të lodrave seksuale.
Në një grup emailesh të publikuara së fundmi nga komiteti, Epstein pretendoi se Trump “kaloi orë të tëra” me një nga akuzueset më të shquara të Epstein, të ndjerën Virginia Giuffre. Epstein shkroi gjithashtu në një email se Trump “dinte për vajzat” një referencë e dukshme ndaj pretendimit të Trump se ai e nxori Epstein nga klubi i tij në Mar-a-Lago për vjedhje të paligjshme të grave të reja që punonin atje.
Pas këtyre emaileve, Trump dhe Shtëpia e Bardhë e quajtën çështjen një mashtrim, me sekretaren e shtypit Karoline Leavitt që tha se emailet nuk vërtetojnë absolutisht asgjë, përveç faktit se Presidenti Trump nuk bëri asgjë të gabuar
