Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
BOTA
Lufta Izrael-Hamas/ Ministria e Shëndetësisë: Numri i të vdekurve në Rripin e Gazës tejkalon 45,000 në 14 muaj
ZH.LLPërditësimi i fundit 16 Dhjetor 2024, 16:16
sulmet
GAZA- Më shumë se 50 njerëz u vranë në sulmet ajrore dhe tokësore izraelite në të gjithë Rripin e Gazës të dielën, sipas mjekëve dhe shpëtimtarëve lokalë.
Ata thanë se fëmijë, një kameraman që punonte për rrjetin televiziv Al Jazeera dhe personeli i agjencisë së Mbrojtjes Civile ishin mes të vdekurve.
Ushtria izraelite tha se kishte në shënjestër vende të përdorura nga Hamasi dhe grupi aleat i armatosur Palestinez Xhihadi Islamik.
Ministria e shëndetësisë e drejtuar nga Hamasi tha se vdekjet nënkuptonin se numri i palestinezëve të vrarë në Gaza gjatë luftës 14-mujore midis Izraelit dhe Hamasit kishte tejkaluar 45,000.
Ministria nuk bën dallim midis luftëtarëve dhe civilëve, por raportoi në tetor se 29,980 fëmijë, gra dhe të moshuar ishin në mesin e viktimave të identifikuara.
Shifrat shpesh kontestohen nga qeveria izraelite, e cila thotë se pothuajse 20,000 "terroristë" janë vrarë, por ato pranohen gjerësisht nga agjencitë e OKB-së.
Lufta filloi kur persona të armatosur të udhëhequr nga Hamasi kryen një sulm të paprecedentë në Izraelin jugor më 7 tetor 2023, gjatë të cilit rreth 1200 njerëz u vranë dhe 251 të tjerë u morën peng.
