Presidenti i SHBA, Donald Trump ka sulmuar kryeministren italiane, Giorgia Meloni pas Samitit të G7, ku duhej se e kishin kapërcyer hendekun mes tyr...
Banorët e lagjes Partizani në Elbasan kanë ngritur alarmin për një problem që sipas tyre po zgjat prej kohësh dhe po kthehe...
BOTA
Lufta në Iran/ Rritje e çmimeve të arit dhe argjendit, presione edhe mbi monedhat evropiane
PiranjatPërditësimi i fundit 3 Mars 2026, 17:51
Metalet e çmuara pësuan rënie të ndjeshme sot, teksa përshkallëzimi i konflikteve në Lindjen e Mesme tronditi tregjet financiare globale. Ari ra me 3.91% në 5,113.98 dollarë për ons (31.1 gramë), pasi më herët kishte shënuar një rënie prej rreth 4%. Ndërkohë, argjendi u godit edhe më fort, duke rënë me 10.03% në 80.3974 dollarë për ons, pasi kishte humbur më shumë se 12% gjatë sesionit.
“Investitorët po shesin pa dallim, duke përfshirë edhe asete të sigurta si ari, për të nxituar të blejnë dollarë dhe të investojnë në energji”, deklaroi për Agence France-Presse Kathleen Brooks, këshilltare ekonomike në XTB. Sipas saj, “ari dhe argjendi po trajtohen si aksione dhe po përjetojnë të njëjtën valë shitjesh”.
Nga ana tjetër, Thu Lan Nguyen, analiste në Commerzbank, theksoi se tregu po i kushton më shumë vëmendje rreziqeve të inflacionit në SHBA të lidhura me luftën në Lindjen e Mesme. “Si pasojë, po rishikohen pritjet për ulje të normave të interesit në SHBA”, u shpreh ajo, duke shtuar se forcimi i dollarit po ushtron presion shtesë mbi arin.
Presion mbi monedhat evropiane Luhatjet nuk u kufizuan vetëm te metalet e çmuara. Monedhat evropiane u vunë gjithashtu nën presion për shkak të rritjes së fortë të çmimeve të energjisë, të nxitura nga konflikti. Paundi britanik humbi mbi 1% kundrejt dollarit, duke zbritur në 1.3263 dollarë – niveli më i ulët që nga fillimi i dhjetorit, shënonte një rënie prej 0.85%. Euro ra me 0.80% kundrejt monedhës amerikane.
“Monedhat evropiane janë zhvlerësuar më shumë kundrejt dollarit që nga fillimi i konfliktit, duke reflektuar frikën për ndikimin e një shoku të ri energjetik në ekonomitë evropiane”, deklaroi Lee Hardman nga MUFG.
Edhe franga zvicerane, e konsideruar tradicionalisht si një monedhë e sigurt, shënoi rënie prej 0.94%, duke treguar se tensionet aktuale po nxisin një zhvendosje të fortë të kapitalit drejt dollarit amerikan dhe sektorit të energjisë.
