Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
BOTA
Lule për Shën Valentin? Hulumtimi në Francë: Buqetat me lule rezultojnë me 46 mbetje të pesticideve të ndryshme të cilat janë të ndaluara në Evropë!
n.fPërditësimi i fundit 14 Shkurt 2025, 12:29
FRANCË- Një studimi i publikuar sot, në ditën e Shën Valentinit në nga një revistë e specializuar në ligjin e konsumatorit ka bërë me dije se buqetat me lule në Francë kanë ndotje masive nga pesticidet, disa prej të cilave janë të ndaluara në Evropë.
Duke përmendur “rrezikun” për ata që merren me këto lule, për blerësit, por mbi të gjitha për profesionistët, revista UFC Que Choisir kërkon masa të menjëhershme për të mbrojtur shëndetin publik dhe mjedisin. Revista testoi 15 buqeta me lule në laborator. Nga analiza rezultoi se 100% e luleve janë të kontaminuara me deri në 46 mbetje të pesticideve të ndryshme në të njëjtën buqetë.
Këto substanca janë kancerogjenë të provuar dhe përçarës endokrine që kërcënojnë drejtpërdrejt shëndetin e atyre që i trajtojnë çdo ditë. Deri më sot, asnjë rregullore nuk kufizon praninë e mbetjeve të pesticideve në lulet e prera, 80% e të cilave importohen nga vende që ende lejojnë përdorimin e substancave shumë toksike.
Ndikimi i këtyre produkteve te konsumatorët mbetet i panjohur, shton UFC Que Choisir, por një vlerësim i rrezikut është duke u zhvilluar. Në Francë, Agjencia Kombëtare për Shëndetin dhe Sigurinë e Ushqimit, Mjedisit dhe Punës (Anses) ndërmori në fillim të dhjetorit misionin për të vlerësuar rreziqet e ekspozimit ndaj pesticideve dhe mbetjeve të pesticideve të punëtorëve në sektorin e bimëve dekorative (lule të prera dhe në vazo) dhe fëmijëve të tyre.
Njoftimi i kësaj detyre u bë pas vdekjes së një vajze nga leucemia, e cila lidhej me ekspozimin e nënës së saj luleshitëse gjatë shtatzënisë. Aktualisht, rreth 85% e luleve të prera që shiten në Francë importohen më shpesh përmes Holandës dhe një pjesë jo e vogël e tyre rritet jashtë Evropës potencialisht me "përdorimin e pesticideve që nuk lejohen në Bashkimin Evropian.
