Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
BOTA
Mbi 7 mijë viktima të abuzimit seksual në jetimore dhe qendra të paraburgimit për të mitur/ Los Anxhelos paguan 4 miliardë dollarë si shpërblim
m.lPërditësimi i fundit 5 Prill 2025, 10:18
SHBA- Qarku i Los Anxhelosit ra dakord të paguante 4 miliardë dollarë si dëmshpërblim për të kompensuar rreth 7,000 viktima të abuzimit seksual në jetimore dhe qendra të paraburgimit për të mitur, njoftuan autoritetet të premten. Marrëveshja, e cila duhet të miratohet nga Bordi i Lartë i Mbikëqyrësve të qarkut, synon të kompensojë viktimat e sulmeve seksuale në shkollat e konviktit dhe qendrat e paraburgimit të të miturve në vitet 1980, 1990 dhe 2000.
“Në emër të qarkut, sinqerisht u kërkoj falje të gjithë atyre që ishin viktima të këtyre akteve të dënueshme. Rëndësia historike e këtij vendimi tregon qartë se ne jemi të vendosur të ndihmojmë të mbijetuarit të rikuperojnë dhe rindërtojnë jetën e tyre dhe të miratojnë dhe zbatojnë ndryshimet sistemike të nevojshme për të garantuar sigurinë e të rinjve," tha Fezia Davenport, drejtuese e qarkut të Los Anxhelosit.
Një ligj i miratuar në vitin 2020 në shtetin e Kalifornisë zgjati periudhën kohore gjatë së cilës ata që kanë qenë viktima të abuzimit seksual në fëmijërinë e tyre mund të kërkojnë drejtësi. Qindra njerëz, tani të rritur, kanë thënë se janë sulmuar seksualisht në ambientet e të miturve, veçanërisht në Qendrën e Fëmijëve MacLaren, e cila u mbyll në vitin 2003 dhe strehoi fëmijë që prisnin të vendoseshin në familje kujdestare. Shkolla e konviktit filloi funksionimin në vitin 1961 dhe në 1976 u mor nga Departamenti i Shërbimeve të Fëmijëve dhe Familjes në Qarkun e Los Anxhelosit.
Një burrë raportoi se ishte abuzuar seksualisht nga një mjek në konvikt kur ishte 8 vjeç, ndërsa një tjetër tha se ishte sulmuar nga një punëtor në moshën 5. Sipas dokumenteve të gjykatës nga ankesat e paraqitura, zyrtarët në Qendrën e Fëmijëve MacLaren shpesh i izolonin fëmijët, i qetësonin dhe i lidhnin në karrige. Një hetim për këtë shtëpi tmerri, siç është cilësuar nga avokatët e viktimave, zbuloi se kontrollet e të kaluarës dhe të dosjeve kriminale të punonjësve nuk u kryen për dekada.
Autoritetet paralajmëruan se kompensimi do të kishte një ndikim të rëndësishëm për vite me radhë në financat e qarkut, më i madhi në SHBA për nga popullsia prej afro dhjetë milionë dollarësh, i cili ka një buxhet vjetor prej 49 miliardë dollarësh.
