Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
"Me Millosheviç nuk negociuam se refuzoi", Hill: Tani ka përpjekje për kompromis, shpresoj se do ta arrijmë normalizimin Kosovë-Serbi!
n.fPërditësimi i fundit 9 Tetor 2024, 11:37
Hill
KOSOVË- Ambasadori i Shteteve të Bashkuara të Amerikës në Beograd, Christopher Hill së fundmi është shprehur se nevojitet normalizim ndërmjet Kosovës dhe Serbisë. Hill në një intervistë në median serbe "N1", krahasoi negociatat në kohën e Sllobodan Millosheviçit dhe tani në kohën e Aleksandar Vuçiçit. Ai u shpreh se me Millosheviç nuk ka pasur negociata pasi ai ka refuzuar ta diskutojë në lidhje me këtë çështje.
“Para së gjithash, ne nuk kemi pasur negociata me Millosheviqin, sepse ai ka refuzuar ta diskutojë çështjen dhe kjo ka qenë një problem i madh, prandaj nuk është bërë përpjekje për zgjidhjen e situatës”, tha fillimisht ambasadori amerikan, i cili ishte i dërguari special i Washingtonit për Kosovën dhe i përfshirë drejtpërdrejt në negociatat në Rambuje më 1999.
Diplomati më pas shtoi se ka një përpjekje për ta gjetur një lloj kompromisi, por ende nuk kanë arritur deri aty.
“Natyrisht, kjo është një çështje problematike, sepse SHBA-të kanë një qëndrim tjetër nga Serbia, sepse e kanë njohur Kosovën. Por ne po përpiqemi ta gjejmë një zgjidhje dhe thelbi i kësaj është normalizimi dhe shpresoj se do të mund ta arrijmë atë”, tha Hill.
