Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
BOTA
Meloni po planifikon të udhëtojë më 16 prill në Uashington, do t'i kërkojë Trump ulje reciproke të tarifave
n.fPërditësimi i fundit 8 Prill 2025, 07:57
ITALI- Kryeministrja italiane, Giorgia Meloni u takua dje me ministrat, me të cilët diskutoi për zgjidhjen e krizës së tarifave tregtare. Në një deklaratë të qeverisë italiane thuhet se nga një luftë tregtare nuk do të përfitonte askënd, as Bashkimin Evropian dhe as Shtetet e Bashkuara. Njëkohësisht, shtohet se lindi nevoja që e gjithë çështja të trajtohej me vendosmëri sepse çdo alarm rrezikon të shkaktojë dëme dukshëm më të mëdha se ato që lidhen drejtpërdrejt me tarifat.
Takimi në pallatin qeveritar Palazzo Chigi iu kushtua thellimit të çështjes së tarifave të vendosura nga Shtetet e Bashkuara dhe pasojave të mundshme për ekonominë italiane dhe morën pjesë, ndër të tjera, ministri i Jashtëm Antonio Tajani, ministri i financave Giancarlo Giorgetti dhe ministri i Transporteve Matteo Salvini.
Në njoftim thuhet se ministrat i paraqitën Melonit alternativat që po shqyrtohen, me synimin për të mbështetur strukturën prodhuese të vendit, për t’i dhënë edhe një shtysë të re konkurrencës së bizneseve. Këto propozime do të diskutohen në mbledhjen e qeverisë italiane, të martën, me përfaqësues të subjekteve prodhuese të vendit.
Sipas informacioneve të cituara nga mediat italiane, Meloni planifikon të vizitojë Shtetet e Bashkuara më 16 prill për t'u takuar me presidentin amerikan Donald Trump. Ajo, siç raportojnë analistët, synon të kërkojë ulje reciproke të tarifave, me qëllim kufizimin e tyre në 10%.
