Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Mijëra njerëz evakuohen në Koln të Gjermanisë, pas zbulimit të bombës së Luftës së Dytë Botërore
e. dPërditësimi i fundit 11 Tetor 2024, 17:55
GJERMANI- Autoritetet në qytetin gjerman të Këlnit kanë evakuuar tre spitale dhe mijëra shtëpi pas zbulimit të një bombe të pashpërthyer të Luftës së Dytë Botërore gjatë punimeve të ndërtimit në një kampus të ri mjekësor. Bomba ajrore amerikane 1,000 kg, e pajisur me një detonator të goditjes së përparme dhe të pasme, do të çaktivizohet të premten.
Gjithashtu plani për evakuim të banorëve kishte qenë në planifikim që kur filloi puna e gërmimit në vend rreth gjashtë muaj më parë, për shkak të frikës së bazuar se atje do të zbuloheshin mjete të pashpërthyera. Po ashtu autoritetet e qytetit thonë se ekspertët u kanë thënë atyre se tetë bomba të tjera avioni të pashpërthyer mund të jenë në vend, por se kjo mund të përcaktohet vetëm nga gërmimet e mëtejshme.
Operacioni i evakuimit, sipas autoriteteve, ishte më i madh i këtij lloji që nga viti 1945. Dy spitale u evakuuan të enjten, ndërsa një i tretë u evakuua ditën e sotme në mëngjes, së bashku me 10,000 banorë të cilët u udhëzuan të largoheshin nga banesat e tyre, sipas një zëdhënësi të qytetit.
Trafiku dhe transporti publik u devijuan gjithashtu nga zona. Pacientët u shpërndanë në spitale të tjera rreth qytetit në më shumë se 300 ambulanca u zhvendosën në një strehë të ndërtuar përkohësisht, ndërsa banorëve iu dha strehim në ndërtesat e shkollave jashtë zonës së evakuimit që ishin të mbyllura.
