Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Moldavia: Transnistria refuzoi ndihmën e BE-së për furnizimin me gaz, shkak Rusia
n.fPërditësimi i fundit 10 Shkurt 2025, 12:54
MOLDAVI- Transnistria, një rajon separat pro-rus i Moldavisë ka refuzuar ofertën e Bashkimit Evropian prej 60 milionë eurosh në ndihmë për furnizimet me gaz natyror, nga frika se Moska do të humbiste kontrollin e territorit. Lajmin e njoftoi sot qeveria moldave. Moldavia shprehet se Rusia nuk e lejon Transnistrian të pranojnë ndihmën evropiane nga frika e humbjes së kontrollit të këtij rajoni.
Kryeministri moldav, Dorin Receanu sqaroi se arsyetimi kryesor për refuzimin e ndihmës së Bashkimit Evropian ishte kushti për një rritje graduale të çmimeve të konsumit. Banorët e Transnistria, të vendosura në Moldavi në kufirin me Ukrainën dhe të sunduar nga separatistët pro-rusë, kanë mbetur pa ngrohje që nga 1 janari, kur u ndal furnizimi me gaz natyror rus.
Furnizimi me gaz natyror rifilloi në fillim të shkurtit falë dhënies së ndihmës prej 30 milionë eurosh nga Bashkimi Evropian, e cila u shty deri më 10 shkurt. Bashkimi Evropian propozoi një furnizim shtesë me energji për Transnistrinë me vlerë 60 milionë euro, i kushtëzuar me zbatimin e masave për përmirësimin e situatës së të drejtave dhe lirive themelore të njeriut.
Kushtet e vendosura nga Bashkimi Evropian përfshijnë rritjen graduale të çmimeve të energjisë së subvencionuar bujarisht, ujit dhe ngrohjes, sqaroi Dorin Recean. Autoritetet pro-ruse në rajon nuk kanë komentuar ofertën e Bashkimit Evropian.
Transnistria u shkëput nga Moldavia pas një konflikti të shkurtër në vitet 1990, forcat ushtarake ruse janë vendosur në territorin e saj. Ajo përfitoi për dekada nga furnizimi me gaz natyror të lirë rus për ngrohje dhe për prodhimin e energjisë elektrike të cilën ia shiste pjesës tjetër të Moldavisë. Konkretisht, Rusia furnizoi Moldavinë me 2 miliardë metra kub në vit nëpërmjet Ukrainës. Gazi natyror rus u kanalizua në Transnistria, e cila mbulonte nevojat e saj për energji dhe më pas ia shiti pjesën tjetër të Moldavisë.
Moska fajëson Moldavinë dhe Ukrainën për krizën energjetike në Transnistria, ndërsa Kishinau fajëson Rusinë. Gazprom ndaloi eksportet e gazit në Transnistria më 1 janar, duke përmendur një borxh prej 709 milionë dollarësh ndaj Moldavisë, një borxh që Kishinau nuk e njeh. Në të njëjtën kohë, marrëveshja me Ukrainën për transitin e gazit natyror rus përmes territorit ukrainas skadoi dhe nuk u rinovua nga Kievi. Moldavia akuzon Gazprom për shkeljen e kushteve të kontratës duke refuzuar të transportojë gaz natyror përmes rrugëve alternative.
