Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Nancy Pelosi shtrohet në spital, pësoi dëmtim gjatë një udhëtimi zyrtar në Luksemburg
E.DPërditësimi i fundit 13 Dhjetor 2024, 21:31
SHBA- Ish-kryetarja e Dhomës së Përfaqësuesve, Nancy Pelosi është shtruar në spital pasi "pësoi një dëmtim" gjatë një angazhimi zyrtar në Luksemburg. Zëdhënësi i saj, Ian Krager, tha përmes një deklarate se zonja Pelosi "po merr trajtim të shkëlqyer nga mjekët dhe profesionistët e mjekësisë" dhe nuk është në gjendje të jetë e pranishme në pjesën e mbetur të ceremonive dhe takimeve të parashikuara në kuadër të vizitës së saj. Ai nuk dha ndonjë hollësi shtesë mbi dëmtimin që kishte pësuar Pelosi.
Pelosi "pret me padurim të kthehet së shpejti në shtëpi, në Shtetet e Bashkuara", tha zëdhënësi Krager.
Nancy Pelosi, e cila u zgjodh për herë të parë në 1987 dhe shërbeu dy herë si kryetare e Dhomës së Përfaqësuesve, dha dorëheqjen nga posti dy vjet më parë, por qëndroi në Kongres dhe në nëntor u rizgjodh për të përfaqësuar qarkun e saj të San Franciskos.
Ajo ka qenë aktive përgjatë dy viteve të fundit, që kur la postin e lartë, duke punuar me demokratët larg syve të opinionit, si dhe publikisht, dhe duke marrë pjesë në ngjarje zyrtare. Njoftimi për dëmtim të Pelosi vjen disa ditë pasi udhëheqësi i republikanëve në Senat, Mitch McConnell, u pengua dhe u rrëzua në Senat. Ai ndrydhi kyçin e dorës dhe pësoi një çarje në fytyrë.
