Familja mbretërore britanike pritet të përballet me zbulime të reja mbi periudhën pas vdekjes së Princeshës Diana, për...
BOTA
“NATO po përballet me mjedisin më të rrezikshëm të sigurisë”, Rutte thirrje Evropës
PiranjatPërditësimi i fundit 16 Shtator 2026, 23:28
Sekretari i Përgjithshëm i NATO-s, Mark Rutte, ka paralajmëruar se Aleanca përballet me një situatë gjithnjë e më të ndërlikuar të sigurisë, duke u bërë thirrje Britanisë së Madhe dhe vendeve evropiane të rrisin kontributin e tyre në mbrojtjen e përbashkët.
Gjatë vizitës në Britani të Madhe, Rutte tha se NATO-s i nevojitet “më shumë Britani e Madhe dhe më shumë Evropë” për t’iu përgjigjur pasigurive të reja gjeopolitike.
“Është thelbësore që forcat tuaja të armatosura të vazhdojnë të ofrojnë fuqinë ushtarake që i nevojitet NATO-s”, deklaroi Rutte gjatë një fjalimi në Ditchley Park, në Oxfordshire.
Sipas tij, vendet evropiane duhet të rrisin investimet në mbrojtje për të siguruar kapacitetet ushtarake të nevojshme për përmbushjen e detyrimeve të Aleancës.
Rutte tha se për një periudhë të gjatë Evropa ka funksionuar mbi supozimin se Shtetet e Bashkuara do të siguronin pjesën më të madhe të fuqisë ushtarake dhe do të përballonin një pjesë të konsiderueshme të kostove të mbrojtjes.
Ai iu referua gjithashtu marrëveshjes së arritur në samitin e NATO-s në Hagë në vitin 2025, ku vendet anëtare ranë dakord për rritjen e shpenzimeve në fushën e mbrojtjes.
Ndër faktorët që kanë ndryshuar mjedisin e sigurisë, Rutte përmendi luftën e Rusisë kundër Ukrainës, terrorizmin, Iranin dhe ndryshimet në konkurrencën gjeopolitike globale.
