Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
BOTA
Nga banjot e diellit me Netanyahun te Musk që hedh dollarë në ajër/ Trump poston VIDEON e krijuar me Inteligjencën Artificiale, si do të duket Gaza e rindërtuar
r.llPërditësimi i fundit 26 Shkurt 2025, 12:46
pamje nga videoja e krijuar
SHBA- Presidenti amerikan Donald Trump duket se është i vendosur për të mos hequr dorë nga plani i tij për rindërtimin e Gazës Së fundmi, Trump në rrjetet e tij sociale ka shpërndarë një video të krijuar nga Inteligjenca Artificiale. Pamjet e krijuara tregojnë atë që dukettë jetë një vizion i Gazës sipas planit të propozuar nga presidenti i SHBA.
Pamjet, të cilat 78-vjeçari i shpërndau pa koment, tregojnë territorin e shkatërruar nga lufta përpara se të shfaqet një shkrim që thotë: "Gaza 2025... Çfarë është më pas?" Pas kësaj, videoja vazhdon të tregojë zonën e transformuar në një parajsë të Lindjes së Mesme me plazhe ekzotike, rrokaqiej të stilit të Dubait, jahte luksoze dhe njerëz që festojnë.
Në video po ashtu shfaqet një kullë me emrin "Trump Gaza" dhe një statujë gjigante prej ari e tij, me versione miniaturë në shitje në një dyqan dhuratash suveniresh. Videoja paraqet gjithashtu liderin amerikan, që së fundmi ka trazuar botën me vendimet dhe deklaratat e tij, duke bërë banjo dielli dhe duke pirë koktejl pranë një pishine hoteli me kryeministrin izraelit Benjamin Netanyahu.
Manjati Elon Musk shfaqet gjithashtu në filmime disa herë. Shefi miliarder i X, Tesla dhe SpaceX - i cili drejton Departamentin Amerikan të Efikasitetit të Qeverisë (DOGE), dhe është ngarkuar me shkurtimin e shpenzimeve qeveritare shfaqet po ashtu duke hedhur në ajër kartëmonedha dollarësh për njerëzit.
Në tekstin e këngës që shoqëron pamjet thuhet: "Donald po vjen për t'ju çliruar, duke sjellë dritën për të gjithë për ta parë, jo më tunele, jo më frikë: Trump Gaza më në fund është këtu. E ardhmja e ndritshme, e artë e Gazës së Trump, një jetë krejt e re. Festoni dhe kërceni marrëveshja u krye, Gaza Trump numër një."
Trump njoftoi planin e tij për përfundimin e luftës midis Izraelit dhe Hamasit në fillim të këtij viti. Ky plan përfshin zhvendosjen e dy milionë banorëve të Gazës në vendet fqinje arabe dhe zhvillimin e territorit në "Rivierën e Lindjes së Mesme ".
Ai e përshkroi Gazën si një vend i rrënuar ku praktikisht çdo ndërtesë është e shkatërruar. Duke paraqitur idenë e tij se çfarë do të ndodhte përtej një armëpushimi Izrael-Hamas, ai propozoi: "SHBA do të marrë Rripin e Gazës dhe ne gjithashtu do të bëjmë një punë transformuese me të."
Ai tha se Amerika do të ishte "përgjegjëse për çmontimin e të gjitha bombave të rrezikshme të pashpërthyera dhe armëve të tjera në vend", përpara se "të heqë qafe ndërtesat e shkatërruara" dhe "të rrafshojë atë".
Shtëpia e Bardhë e përshkroi propozimin si të jashtëzakonshëm dhe vizionar- por ai mori dhe kundërshti duke e cilësuar si "spastrim etnik" efektiv i palestinezëve nga Gaza. Hamasi i përshkroi propozimet si qesharake dhe absurde në një deklaratë nga një prej zyrtarëve të saj. Egjipti, Jordania dhe Arabia Saudite, të cilat si vende të tjera arabe mbështesin kauzën palestineze, gjithashtu hodhën poshtë planin e zotit Trump.
