Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
BOTA
Nga Mark Carney tek Frank Baylis, ja kush janë kandidatët për tu bërë kryeministër i ardhshëm i Kanadasë
E.DPërditësimi i fundit 9 Mars 2025, 17:00
KANADA- Kanadaja pritet të ketë një kryeministër të ri ndërsa Partia Liberale në pushtet përgatitet të shpallë zëvendësimin e Justin Trudeau si lider. Trudeau, i cili ka qenë kryeministër që nga viti 2015, njoftoi se do të jepte dorëheqjen në janar pasi u përball me thirrjet për tu larguar nga një numër i deputetëve të tij, shkruan Sky News.
Partia Liberale do të shpallë sonte liderin e saj të ri pas votimit nga rreth 140,000 anëtarë. Një ish-guvernator i Bankës së Anglisë është shfaqur si kryesuesi teksa vendi merret me ndikimet e tarifave të vendosura nga presidenti i SHBA-së, Donald Trump.
Kryeministri i ardhshëm do të duhet gjithashtu të vendosë se kur do të thërrasë zgjedhjet e përgjithshme të cilat duhet të mbahen në ose para 20 tetorit. Ndërsa Partia Liberale përgatitet të zgjedhë liderin e saj të ri, ne i hedhim një sy kandidatëve.
59-vjeçari do të jetë një fytyrë e njohur për shumë njerëz në Mbretërinë e Bashkuar pasi ai shërbeu si guvernator i Bankës së Anglisë midis 2013 dhe 2020. Ai ishte më parë kreu i bankës qendrore të Kanadasë dhe u vlerësua pasi vendi u rikuperua nga kriza financiare e vitit 2008 më shpejt se shumë vende të tjera.
Freeland, një ish-zëvendëskryeministre dhe ministre e financave e Kanadasë, po kryeson në sondazhe për të zëvendësuar Trudeau menjëherë pasi ai njoftoi dorëheqjen e tij. Siç bëhet e ditur, 56-vjeçarja ka lindur në provincën perëndimore të Kanadasë, Alberta, nga një nënë ukrainase.
Gould është gruaja më e re që ka shërbyer si ministre në Kanada dhe ka mbrojtur një qëndrim të ashpër ndaj Trump. Siç theksohet, 37-vjeçarja, e cila ka shërbyer si ministre e institucioneve demokratike dhe ministre e zhvillimit ndërkombëtar, e ka quajtur më parë veten si pjesë e një ndërrimi brezash dhe tha se Partia Liberale duhet ta përqafojë gjithashtu këtë ndryshim.
Baylis, një biznesmen nga Montreali, shërbeu si politikan i Partisë Liberale midis 2015 dhe 2019. Ai (62-vjeç) thuhet se ka propozuar krijimin e dy tubacioneve që do të transportonin gazin natyror në tregjet ndërkombëtare në Evropë dhe Azi për të reduktuar varësinë nga Amerika. Baylis kritikoi Trudeau për udhëtimin për të takuar Donald Trump në resortin e tij Mar-a-Lago në nëntor.
