Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
BOTA
Ngërçi politik në Kosovë, Kurti nuk u përgjigjet gazetarëve në Podujevë: Çështjet e tjera të bllokimit janë në Prishtinë, ne jemi për ndërtim këtu!
n.fPërditësimi i fundit 20 Maj 2025, 11:29
KOSOVË- Kryeministri i Kosovës, Albin Kurti ndodhet sot në Podujevë në një kantier ndërtimi ku ka mbajtur edhe një deklaratë për mediat. Kurti para se të niste fjalën e tij u pyet nga një gazetar në lidhje me pikëpyetjet që janë prej kohësh në lidhje me ngërçin politik në Kosovë si dhe për krijimin e një koalicioni të mundshëm me partitë e tjera.
Ai pasi dëgjoi pyetjen e gazetarit nisi të përgjigjet në lidhje me punimet në Podujeve dhe kohëzgjatjen e punimeve. Në fund të fjalës Kurti ua preu shkurtimisht gazetarëve duke u thënë se nuk ndodhen ë Podujevë për të folur për bllokimin por për të ndërtuar.
"Kohëzgjatja e punimeve për banimin e përballueshëm dhe social është tre vjet, duke filluar nga tani. Dhe ky është një lajm i mirë për Llapin. Nga 33 komunave vetëm 13 kanë aplikuar për banimin e përballueshëm social, është për të ardhur keq se çiftet e reja dhe prindërit vetëushqyës anë e mbanë Kosovës kanë nevojë për banim të përballueshëm social. Ne po dëshmojmë se më e madhe është oferta e qeverisë sesa kërkesa e komunave. Podujeva e ka bërë aplikimin e tash po e fillon realizimin. E ato çështjet e tjera të bllokimit janë në Prishtinë, ne jemi për ndërtim këtu”, tha Kurti.
Pas kësaj ai u largua ndërsa gazetarët i drejtonin pyetje të tjera njëzëri. Kurti shpesh nuk përgjigjet para gazetarëve sidomos në lidhje me ngërçin politik pasi pas çdo seanca ai u largohet mediave pa u dhënë përgjigje për pyetjet.
