Policia Rrugore ka intensifikuar kontrollet në të gjithë vendin gjatë 24 orëve të fundit, duke shtuar monitorimet në akset ...
BOTA
Ngjarja e pazakontë që tronditi aeroportin/ Arrestohet një person që po transportonte 2,000 milingona të gjalla
PiranjatPërditësimi i fundit 13 Mars 2026, 14:00
Një burrë u arrestua në aeroportin kryesor të Nairobi-t me më shumë se 2,000 milingona të gjalla kopshti në bagazhin e tij, ndërsa rastet e kontrabandës së këtyre insekteve në Kenia janë në rritje.
Shtetasi kinez, Zhang Kequn, 27 vjeç, u arrestua të martën në Aeroportin Ndërkombëtar Jomo Kenyatta ndërsa përpiqej të linte vendin, sipas dokumenteve të gjykatës që Reuters i pa të enjten. Zyrtarët e imigracionit vunë re një “urdhër ndalimi” mbi pasaportën e Zhang pasi ai kishte shmangur arrestimin në Kenia vitin e kaluar.
Adhuruesit e milingonave paguajnë shuma të mëdha për të mbajtur kolonitë në enë të mëdha transparente të njohura si formicarium, të cilat ofrojnë një dritare të drejtëpërdrejtë në strukturat komplekse sociale dhe sjelljet e specieve.
Vit e kaluar, katër burra u gjobitën nga 7,700 dollarë secili për përpjekjen për të trafikur mijëra milingona që janë të vlefshme për ekosistemin e Kenias, në një rast që ekspertët thanë se tregonte një ndryshim në biopirateri, nga trofetë si ivori i elefantit drejt specieve më pak të njohura.
Hetuesit thanë se në një kontroll të bagazhit të Zhang u gjetën 2,238 milingona, përfshirë 1,948 të paketuar në tubë testimi dhe pjesa tjetër në tre rrotulla me “letra të buta”.
Ata shtuan se Zhang kishte qenë në Kenia për dy javë dhe kishte përmendur tre bashkëpunëtorë që i kishin furnizuar me milingona. Shërbimi i Faunës së Egër të Kenias i tha gjykatës se kishte nevojë për më shumë kohë për të përfunduar hetimet, përfshirë shqyrtimin e një iPhone dhe një MacBook të sekuestruar nga Zhang.
Shërbimi i faunës tha se një ngarkesë e ngjashme milingonash ishte sekuestruar të martën në Bangkok dhe që kishte origjinën nga Kenia, duke treguar ekzistencën e një rrjeti të gjerë dhe të organizuar të kontrabandës së milingonave./Përktheu Piranjat News
