Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
"Nisma dhe Limaj mbështesin pushtetin", Haradinaj: Një ndarje mjaft e turpshme, kemi kërkuar votë për ndryshim!
n.fPërditësimi i fundit 14 Prill 2025, 21:28
KOSOVË- Kryetari i AAK-së, Ramush Haradinaj në një deklaratë para mediave ka kritikuar ashpër qëndrimin e Partisë Nisma Socialdemokrate pas zgjedhjeve të 9 shkurtit. Haradianj u shpreh se veprimet e Nismës për të mbështetur pushtetin përbëjnë një ndarje të turpshme nga AAK-ja. Ai theksoi se nga mungesa e komunikimit me Fatmir Limaj e ka vështirësuar krijimin e shumcës nga opozita.
“Nuk kam komunikim nga intervista e fundit e famshme e Limajt, ka qenë shumë e vështirë krijimi i shumicës nga opozita, vetvetiu, pozicionimi i tij i hershëm e ka bërë edhe më të vështirë, ka qenë i parakohshëm. Edhe nëse Nisma dhe Limaj mbështesin pushtetin, kuptohet që ata ndahen nga ne. Por është një ndarje mjaft e turpshme për shkak se kemi kërkuar votë për ndryshim, dhe sjellja e tyre, veprimi tyre është mjaft i turpshëm,” tha ai.
Këtë deklaratë Haradinaj e dha para mediave pasi doli nga Kuvendi i Kosovë, ku u regjistrua për seancën që do të mbahet më 15 prill. Sot gjithashtu janë regjistruar edhe deputetë të Listës Serbe, të cilët nuk folën për mediat. Deputeti nga radhët e Partisë për Liri, Drejtësi dhe Mbijetesë, Nenad Rashiç kur doli nga Kuvendi nuk u shfaq optimist ndërsa theksoi se Lëvizja Vetëvendosje të marrë përgjegjësinë për krijimin e qeverisë.
“Nuk jam optimist se do të votojmë nesër. Nuk është hera parë që mund të ndodhë një ngërç i shkurtër. Ju rikujtoj se më 2014 kemi pasur një situatë të tillë. Atëherë po ashtu kam qenë deputet, por pas dy apo tre muajve u zgjidh ajo krizë. Edhe këtë rast po konsideroj që varianti më i mirë do të ishte që partia më e madhe të formojë qeverinë, sepse çdo opsion tjetër do të komplikonte shumë më shumë procesin," tha Rashiç.
