Deputeti i Partisë Socialiste Klevis Jahaj është paraqitur ditën e sotme në ambientet e SPAK.
Jahaj është deputet i qarkut...
BOTA
Një dëshmitar që nuk është dëgjuar për më shumë se 21 vjet nga zhdukja misterioze e vogëlushes, bëhet i gjallë
PiranjatPërditësimi i fundit 13 Mars 2026, 18:40
Më shumë se 20 vjet pas zhdukjes së Denise Pipitone, historia e vajzës që u zhduk më 1 shtator 2004 në Mazara del Vallo rikthehet përsëri në qendër të vëmendjes falë zhvillimeve të reja.
Gjatë emisionit “Scomparsi”, kriminologia Antonella Delfino Pesce, ka zbuluar ekzistencën e një dëshmitari të ri, që konsiderohet shumë i rëndësishëm. Bëhet fjalë për një burrë që jeton në Milan, i cili ka qëndruar në hije për më shumë se dy dekada.
Ai nuk ka qenë kurrë pjesë e hetimeve zyrtare dhe nuk është marrë kurrë në pyetje nga hetuesit, por tani thuhet se është gati të japë detaje shumë të rëndësishme për zhdukjen e vajzës.
Kriminologia deklaroi:
“Kam analizuar çdo dosje dhe çdo rresht të proceseve që përfunduan me shpallje të pafajshme. Në një raport, që fatkeqësisht nuk është marrë ende sa duhet në konsideratë, kam përfshirë dëshminë e një personi që nuk është dëgjuar kurrë. Ka elemente që bien në kundërshtim me dëshmitë e dhëna në gjyq në atë kohë. Orari, skena e krimit… gjithçka mund të ndryshojë.”
Kriminologia ka bërë gjithashtu një apel për një takim të menjëhershëm me prokurorët e Marsala:
“Shpresoj dhe besoj se do të ketë një takim, edhe të shpejtë, me Prokurorinë e Marsalës. Tani është momenti i duhur, ndoshta më i duhuri fare.”
Megjithëse kërkesa e fundit për rihapjen e hetimeve është refuzuar, avokatët e Antonino Pipitone, babait të Denises, nuk kanë ndërmend të ndalen. Ai kishte paraqitur një kërkesë në Gjykatën e Marsalës për rihapjen e hetimeve, të shoqëruar me një raport nga një ekip ekspertësh, ku bënte pjesë edhe kriminologia Delfino Pesce. /PiranjatNews/
