Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Një grua vdes pas zjarrit për një...buburrec
PiranjatPërditësimi i fundit 23 Tetor 2025, 18:47
Një tragjedi e pabesueshme ndodhi në Korenë e Jugut, kur një grua humbi jetën pas një zjarri të shkaktuar nga fqinji i saj që po përpiqej të digjte një… buburrec.
Sipas autoriteteve, zjarri shpërtheu në orët e para të së hënës në një ndërtesë pesëkatëshe në qytetin Osan, rreth 35 kilometra në jug të Seulit. Banori i një apartamenti përdori sprej të ndezshëm dhe një çakmak si flakëhedhës të improvizuar për të shkatërruar insektin, por flakët u përhapën menjëherë, duke djegur shtratin dhe grumbuj mbeturinash brenda shtëpisë së saj.
Zjarri u përhap shpejt në të gjithë ndërtesën. Një çift jetonte në katin e pestë me foshnjën e tyre dymuajshe, ndërsa gruaja në panik, kërceu nga një dritare në një ndërtesë ngjitur më pak se një metër larg.
Sipas Metro, burri arriti të dilte vetë, por gruaja e tij ra në boshllëk ndërsa përpiqej të hidhej në ballkonin përballë. Gruaja u dërgua me urgjencë në spital, ku ndërroi jetë nga plagët e saj pesë orë më vonë. Gjithsej tetë persona pësuan probleme me frymëmarrjen nga thithja e tymit, ndërsa zjarri u vu nën kontroll brenda 40 minutash. Foshnja u shpëtua pa lëndime.
Policia tha se gruaja që e vuri zjarrin mund të përballet me akuza për vrasje të paqëllimshme. Departamentet lokale të zjarrfikësve i kanë paralajmëruar njerëzit të mos përdorin sprej ose flakë të ndezshme për të vrarë insektet, pasi kjo praktikë është bërë trend i rrezikshëm në mediat sociale. Incidente të ngjashme kanë ndodhur edhe në të kaluarën.
Në vitin 2018, në Australi, një burrë hodhi në erë shtëpinë e tij në Queensland ndërsa përpiqej të digjte buburrecat me insekticid dhe një çakmak. Shpërthimi e plagosi atë në kokë dhe në duar.
