Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
BOTA
Një i ri hidhet nga dritarja e hotelit pas një zënke me të dashurën (VIDEO)
PiranjatPërditësimi i fundit 8 Mars 2026, 17:08
Një i ri u kap nga kamerat duke u hedhur përmes dritares së një hoteli pasi pati një zënkë të ashpër me të dashurën e tij.
Ngjarja besohet të ketë ndodhur në provincën Hunan të Kinës, në distriktin Yuhua të qytetit Changsha.
Pamjet tregojnë çiftin duke pasur një diskutim të tensionuar, pa zë, por më pas burri duket se zgjedh një rrugë të çuditshme largimi duke u hedhur përmes dritares, në vend që të shfrytëzojë hyrjen apo derën e hapur afër tyre.
Sipas raportimeve, ai dështoi në tentativën e parë për të thyer dritaren, por në përpjekjen e dytë arriti të shtyjë xhamin dhe të bie në trotuar përpara se të largohej teksa pamjet e tjera e kapin duke u larguar në errësirë.
Hotelieri më pas konfirmoi se burri pagoi dëmshpërblimin për dëmet e shkaktuara në dritare dhe se as ai, as gruaja, nuk raportuan ngjarjen në policinë lokale.
Videoja e momentit ka tërhequr vëmendje për mënyrën dramatike dhe të papritur të largimit, duke bërë që shumë shikues të komentojnë për vendimin e tij të çuditshëm për t’u hedhur përmes xhamit, në vend që të ndalonte zënkën në një mënyrë tjetër./Piranjat News
