Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Një nga terroristët më të kërkuar në botë, kush ishte shënjestra e izraelitëve në sulmin ajror të Bejrutit
r.llPërditësimi i fundit 20 Shtator 2024, 17:31
ibrahim aqil
IZRAEL- Sulmi ajror izraelit në Bejrut të premten pasdite duket se kishte nën shenjestrër Ibrahim Aqil, një zyrtar i lartë i Hezbollahut. Mediat izraelite kanë konfirmuar se Aqil, i njohur gjithashtu si Tahsin dhe si "numri 2" i organizatës për sa i përket operacioneve ushtarake, është në shënjestër të forcave izraelite për shkak të rolin e tij si kreu i Drejtorisë së Operacioneve të organizatës Shiite.
Sipas mediave të huaja, Aqil është liruar mëngjesin e sotëm nga një spital në Bejrut, pasi ishte plagosur nga shpërthimet e radiove të Hezbollahut. Ai konsiderohet një figurë kryesore në Hezbollah dhe është pjesë e "Këshillit të Xhihadit", organi më i lartë ushtarak i organizatës. Raportet e deritanishme nëse ai arriti t'i mbijetojë sulmit ajror janë të paqarta. Bëhet me dije se Ibrahim u plagos fillimisht nga sulmet e shpërthimit dhe do të dilte nga spitali sot.
Ai ka marrë pjesë në akte të shumta terroriste dhe kërkohet nga Shtetet e Bashkuara. Në vitin 1983, ai luajti një rol kyç në bombardimin e përgjakshëm të marinsave amerikanë në Bejrut, ku u vranë 63 persona. Përveç kësaj, ai ishte i përfshirë në rrëmbimin e shtetasve amerikanë dhe gjermanë në Liban në vitet 1980, ngjarje që e vendosën atë lart në listat e terroristëve më të kërkuar. Në vitin 2019, Departamenti Amerikan i Shtetit e caktoi Akilin një "Terrorist Global" dhe dha një shpërblim prej 7 milionë dollarësh për të në një përpjekje për të mbledhur informacione që çuan në arrestimin e tij.
SHBA e akuzon atë për përfshirje në komplote terroriste gjatë viteve 1980 dhe 1990, duke përfshirë sulmin ndaj ambasadës amerikane në Bejrut në prill 1983. Sulmi i fundit në Bejrut është pjesë e një serie të vazhdueshme sulmesh ajrore izraelite, që synojnë degradimin e aftësive ushtarake të Hezbollahut dhe neutralizimin udhëheqjen e saj. Përshkallëzimi i dhunës dhe sulmet e ndërsjella mes dy palëve po rrisin tensionin në rajon, ndërkohë që aktori ndërkombëtar shprehet i shqetësuar për mundësinë e përgjithësimit të konfliktit.
